Job 18:1-21

  • Ikaduha nga pagyakan ni Bildad (1-21)

    • An mahitatabo ha makasasala (5-20)

    • Ginpagawas nga hi Job diri nakilala ha Dios (21)

18  Hi Bildad+ nga Shuhita binaton:  2  “San-o ka maundang ha pagyinakan hin sugad hito? Pagpakita hin pagsabot basi katapos hito makagyakan kami.  3  Kay ano nga huhunahunaon kami sugad nga mga hayop+ Ngan tatagdon nga lurong* ha imo pagkita?  4  Bisan kon kuniskunison mo an imo kalugaringon* ha imo kasina,Babayaan ba an tuna para ha imo,O mababalhin ba an bato tikang ha hinmumutangan hito?  5  Oo, an kalamrag han maraot mapaparong,Ngan an iya kalayo diri na maglalaga.+  6  An kalamrag ha iya tolda sigurado nga magtitikasirom,Ngan an lampara ha bawbaw niya mapaparong.  7  An iya daku nga pitad ginpapahalipot,Ngan an iya mismo sagdon an magtutumba ha iya.+  8  Kay an iya mga tiil magdadara ha iya ngadto ha usa nga pukot,Ngan maglalakat hiya tipakadto ha mga mata han pukot.  9  Usa nga lit-ag an magsasangbod ha iya ha tikod;Usa nga bitik an magdadakop ha iya.+ 10  Usa nga pisi an igintago para ha iya ha tuna,Ngan usa nga lit-ag an aada ha iya dalan. 11  Nahahadlok hiya tungod han makaharadlok gud nga mga butang nga nakapalibot ha iya+Ngan ginlilinanat hiya hito ngan hirani na maabtan. 12  An iya kusog nawawara ha iya,Ngan tungod han kadaot+ magpaparadingpading* hiya. 13  An iya panit nadudunot;Ginkukutkot han pinakamakamaratay nga sakit* an mga parte han iya lawas. 14  Ginpaiwas hiya tikang ha iya tolda nga ginsasarigan+ Ngan gindadara ngadto ha hadi han makaharadlok gud nga mga butang.* 15  An mga estranghero* maukoy ha iya tolda;An asupre isasabrag ha iya urukyan.+ 16  An iya mga gamot mauuga ha ilarom niya,Ngan an iya mga sanga mauuga ha bawbaw niya. 17  An handumanan ha iya mawawara tikang ha tuna,Ngan diri makikilala an iya ngaran* ha mga kalye. 18  Paiiwason hiya tikang ha kalamrag ngadto ha kasisidman Ngan tatabugon tikang ha mabungahon nga tuna. 19  Diri hiya magkakaada mga anak ngan diri hiya magkakaada katulinan ha butnga han iya katawohan,Ngan waray mahisasalin nga buhi ha lugar nga iya gin-uukyan.* 20  Pag-abot han iya adlaw, an katawohan ha Weste makakalasan Ngan an katawohan ha Este mangungurog ha kahadlok. 21  Ini an nahitatabo ha mga tolda han magburuhat hin sala Ngan ha lugar han tawo nga diri nakilala ha Dios.”

Mga footnote

^ O posible nga “mahugaw.”
^ O “an imo kalag.”
^ O “magkikimpang-kimpang.”
^ Lit., “han suhag han kamatayon.”
^ O “ha makaharadlok nga kamatayon.”
^ Lit., “An usa nga butang nga diri iya.”
^ Lit., “diri hiya magkakaada ngaran.”
^ O “ha lugar nga iya temporaryo nga gin-uukyan.”

Copyright hini nga publikasyon