Job 20:1-29
20 Hi Zopar+ nga Naamatita binaton:
2 “Ini an hinungdan nga an akon mismo nakakapabaraka nga mga panhunahuna nag-aaghat ha akon nga bumatonKay nasasamok gud ako.
3 Nakabati ako hin pagsaway nga nakakainsulto ha akon;Ngan an akon pagsabot* nagpapagios ha akon nga bumaton.
4 Sigurado nga maaram ka hini tikang pa hadto,Kay ini na an kahimtang tikang han iginbutang an tawo* ha tuna,+
5 Nga an malipayon nga pagsinggit han magraot madaliay la,Ngan an pagrayhak han maraot nga tawo* halipot la.+
6 Bisan kon an iya pagkamapahitas-on nasaka ha langit
Ngan an iya ulo naabot ha mga dampog,
7 Mahahanaw hiya ha kadayonan pariho han iya kalugaringon nga tai;An mga nakakakita ha iya hadto masiring, ‘Hain na hiya?’
8 Mawawara hiya pariho hin inop, ngan diri nira hiya hiaagian;Mabaya hiya pariho hin bisyon ha kagab-ihon.
9 An mata nga nakakita ha iya hadto diri na makakakita utro ha iya,Ngan an iya lugar diri na makakakita ha iya.+
10 An iya mismo mga anak maghihingyap han pag-uyon han mga pobre,Ngan an iya mismo mga kamot magbabalik han iya mga bahandi.+
11 Hadto an iya mga tul-an puno hin kusog han pagkabatan-on,Kondi mahigda ito* upod niya ha tapotapo.
12 Kon an karaotan nagigin matam-is ha iya baba,Kon iya ito igintatago ha ilarom han iya dila,
13 Kon nararasahan gud hiya hito ngan diri niya ito igintutupra
Kondi gin-iinugom ito ha iya baba,
14 An iya pagkaon mag-aaslom ha sulod niya;Magigin pariho ito han lara* han mga kobra ha sulod niya.
15 Ginlamoy niya an bahandi, kondi isusuka niya ito;Huhukaron ito han Dios tikang ha iya tiyan.
16 An lara han mga kobra susupsupon niya;An mga pangil* han halas nga bibora an makakamatay ha iya.
17 Diri gud niya makikita an mga sapa,An naagos nga dugos ngan mantikilya.
18 Igbabalik niya an iya mga panag-iya nga waray man la niya magamit;*
Diri hiya magpapahimulos han bahandi tikang ha iya negosyo.+
19 Kay iya gintalumpigos ngan ginbayaan an mga pobre;Nangagaw hiya hin balay nga waray niya tukora.
20 Kondi diri hiya magigin murayaw ha sulod niya;An iya bahandi diri makakabulig ha iya nga makapalagiw.
21 Waray na nahisalin nga iya malalamoy;Tungod hito an iya kahuraan diri magpapadayon.
22 Kon damu na gud an iya bahandi, hiaabtan hiya han kabaraka;An ngatanan nga magraot nga butang maabot ha iya.
23 Samtang iya ginpupuno an iya tiyan,Ipapadapat han Dios* an Iya naglalaga nga kasina ngada ha iya
Ngan pauuranon ito ngada ha iya tubtob ha iya tinai.
24 Pagpalagiw niya tikang ha mga armas nga puthaw,An mga pana tikang ha bawog nga tumbaga* magtutuhog ha iya.
25 Maghuhulbot hiya hin pana nga nakatusok ha iya likod,Hin nagraranggat nga armas tikang ha iya apdo,Ngan mapupuno hiya hin duro nga kahadlok.+
26 An bug-os nga kasisidman naghuhulat ha iya mga bahandi;Usa nga kalayo nga waray huypi han bisan hin-o an mag-uugtang ha iya;May kadaot nga naghuhulat ha bisan hin-o nga nahisalin nga buhi ha iya tolda.
27 An langit magbubuhayhag han iya sayop;An tuna mabuhát kontra ha iya.
28 An usa nga baha mag-aanod han iya balay;Magigin salog ito nga masulog ha adlaw han kasina han Dios.*
29 Ini an bahín han maraot nga tawo tikang ha Dios,An panurundon nga igintutoka han Dios para ha iya.”
