Nkunga 76:1-12
Kuna kwa ntwadisi a nkunga; uyimbidilwa muna masikilu ma nsinga. Nkung’a Asafi.+ Nkunga.
76 Nzambi ozayakene muna Yuda;+Nkumbu andi yanene muna Isaele.+
2 E saba kiandi kina muna Saleme,+Ye nzo andi muna Zione.+
3 I mûna katololwele maswanga ma tiya ma mfumba,Ngubu, nsosolo ye nuaninua ya vita.+ (Sela)
4 Ongeye okezimanga yo nkembo;*Osundidi miongo mikalanga ye mbizi zayingi.
5 Akwa ntima mia kikesa basanzilu.+
Balele tulu;Mabamba-ngolo mawonso ke balendele kuyitanina ko.+
6 Muna lusembo lwaku, e Nzambi a Yakobo,Anati a makalu ma vita ye akwa mvalu balele wosola kia tulu.+
7 Ngeye kaka una wambubu.+
Nani lenda telamena nsita za makasi maku?+
8 Tuka kuna zulu ozayisi e nzengo;+E nza imwene wonga, ikedi pi-i+
9 Vava Nzambi katelamene muna fundisa,Yo vuluza alembami awonso a nza.+ (Sela)
10 Kadi makasi ma wantu nkembo mekutwasila;+E kasi diau dia nsuka dikuviengesa.
11 Nusia nsilu kwa Yave wa Nzambi eno, nulunganisa mio,+Yambula awonso ana banzietele batwasa tukau twau kuna vumi.+
12 Okulula lulendo lwa* afidi;Ozakamesanga ntinu mia nza.
