Nkunga 31:1-24
Kuna kwa ntwadisi a nkunga. Nkung’a Davidi.
31 E Yave, kwa ngeye ntinini.+
Kuyambula ko yafusuka e nsoni.+
Umpuluza muna unsongi waku.+
2 Untamba o matu.*
Wiza kumpuluza mu nzaki.+
Kala se mongo ame watinina,Fulu kiangolo muna kumpuluza.+
3 Kadi ngeye u tadi diame ye swekameno diame.+
Muna kuma kia nkumbu aku,+ okundiatisa yo kumfila.+
4 Okunkatula muna konde bandekele kuna kinsweki,+Kadi ngeye u swekameno diame.+
5 Vana moko maku ngiekekele mwand’ame.+
E Yave wa Nzambi aludi,* unkûdidi.+
6 Mbengene ana besambilanga teke yampavala, yakondwa mfunu,Vo i mono, kwa Yave mbundidi e vuvu.
7 Iyangalala kikilu muna walakazi waku,Kadi wamona e mpasi zame;+Ozeye lukendalalu lwame.*
8 Kungiekwele vana moko ma mbeni ame ko,Untelamese vana fulu kiavuvama.*
9 E Yave, unsonga e dienga, kadi mu mpasi ngina.
E ntantu zikobwele meso mame+ yo yoyesa nitu* ame yawonso.+
10 O moyo ame usukidi mu kuma kia ntantu,+E mvu miame mu kuma kia bumu.+
E ngolo zame zisukidi mu kuma kia vilwa wame;E visi yame iyoyele.+
11 E mbeni zame zawonso bekuntiangunanga,+Musungula mfinangani zame.
Ana banzeye bekumbwenanga wonga;Avo bambwene kuna mbazi, bantinini.+
12 Bankatwidi muna ntima miau,* bamvilakene nze mono yafwa;Ngina nze kinzu kiawudika.
13 Ngwidi mambu mayingi mambi bevovanga;O wonga unzietele.+
Vava bamvuandidi e mfuluBazolele katula moyo ame.+
14 Vo i mono, kwa ngeye mbundidi e vuvu, e Yave.+
Mpovele vo: “Ngeye u Nzambi ame.”+
15 E lumbu yame* vana moko maku ina.
Umpuluza vana moko ma mbeni zame ye awana bekumbangikanga.+
16 Songa e dienga kwa selo kiaku.+
Umpuluza muna walakazi waku.
17 E Yave, kuyambula ko vo yafusulwiswa e nsoni wau ibokele.+
Yambula yimpumbulu yafusulwiswa e nsoni;+Yambula bakala pi-i muna Ziami.*+
18 Yambula nua mi’akwa luvunu miabutikwa,+E befo ina ivoveselanga nkwa unsongi kuna lulendo, umvuania yo luvezo.
19 Ekwe nene wa wete waku!+
Olundidi wo awana bekuvuminanga,+Osongele wo kw’awana betininanga kwa ngeye vana ndose a wantu awonso.+
20 Okubaswekela muna swekameno dina vana ndose aku+Muna kuma kia ntantani za wantu;Muna kuma kia makumbu*Okubasweka muna tininu diaku.+
21 Yambula Yave kakembelwa,Kadi unsongele walakazi wandi mu mpil’esivi,+ muna mbanza yazungwa kwa atantu.+
22 Vo i mono, mbwene wonga, mpovele vo:
“Vondwa ivondwa vana ndose aku.”+
Kansi owidi ndodokela zame vava ilombele lusadisu.+
23 Nuzola Yave, yeno awonso minkwikizi miandi!+
Yave olunga-lunganga akwa kwikizi,+Kansi, o nkwa lulendo okumvana tumbu kisundidi e mpasi.+
24 Nukala ye kikesa, yambula ntima mieno miakumama,+Yeno awonso nubundanga Yave e vuvu.+
Mvovo vana yand'a lukaya
^ Yovo “kuluka, wangwa.”
^ Yovo “Nzambi a ziku.”
^ Yovo “ntantu za moyo ame.”
^ Yovo “fulu kiasanzuka.”
^ Yovo “moyo ame ye vumu kiame.”
^ Yovo “muna ngindu zau.”
^ Mvovo wa sina: “E ntangwa zame.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Mvovo wa sina: “Muna nzonzi mia tubini.”
