Nkunga 74:1-23
Maskile.* Nkung’a Asafi.+
74 E Nzambi, ekuma utubembolwele yakwele mvu?+
E nsita za makasi maku, mu nkia kuma zikwamini muna mameme ma kambi diaku?+
2 Sungamena nkangu* aku una wasola tuka kolo,+E kanda dina wakûla se vua diaku.+
Sungamena Mongo a Zione kuna okalanga.+
3 Sia sungididi muna fulu ina yafwaswa emvimba.+
Mbeni ofwasidi lekwa yawonso muna fulu kiavauka.+
4 E mbeni zaku bakazidi e kazu kia nsundidi muna sambilu diaku.+
Mwamuna batelamese dimbu yau se sinsu.
5 Bakala nze wantu basimbidi masoka* muna kesa nti mia mfinda yanene.
6 Bakosomwene teke yawonso yavalwa+ muna masoka* ye sengwa.
7 Bayokele nzo aku avauka.+
Bafunzwidi e saba kiyikilwanga muna nkumbu aku, babwisidi kio vana ntoto.
8 Yau yo wan’au bavovele muna ntima miau vo:
“Masambilu mawonso ma Nzambi* mu nsi yayi mafwete yokwa.”
9 Ke vena diaka sinsu ko kina tulenda mona;
Ke vena diaka ngunza ko,Ke mosi ko omu yeto ozeye ntangwa dizingila e diambu diadi.
10 E Nzambi, yamu nkia ntangwa mbeni kekwamanana kutianguna?+
Nga mbeni oveza nkumbu aku yakwele mvu?+
11 O koko kwaku, o koko kwaku kwalunene, ekuma kuzingamene?+
Katula ko vana tulu kiaku,* kimana wabasukisa.
12 Kansi Nzambi i Ntinu ame tuka kuna nz’ankulu,Ndiona ovuluzanga ova ntoto.+
13 Onikwini kalunga muna ngolo zaku;+Owudidi ntu mia mbizi zansisi muna kalunga.
14 Okosomwen’e ntu mia Leviatane;*Umvene se madia kwa nkangu, kw’awana bekalanga muna makanga.
15 Oziwidi nto za nkoko ye mvuila;+Oyumisi e nkoko mikukulanga.+
16 O mwini i waku; o fuku mpe i waku.
Ngeye wavanga ntemo ye ntangwa.+
17 Ngeye wasikidisa mingilu miawonso mia ntoto;+Ngeye wasikidisa nsungi ya mvula ye mbangala.+
18 E Yave, sungamena mafingu ma mbeni,Ye ndevola belevolanga nkumbu aku o nkangu a mazowa.+
19 Kuvani moyo a mbwel’aku ko kwa bulu yansisi.
Kuvilakani e zingu kia nkangu aku ko umonanga e mpasi yakwele mvu.
20 Yindula e kangu diaku,Kadi e fulu ya tombe ya nza izadidi ye nsoki.
21 Yambula mbangami kalembi kwenda ye nsoni+E mumbona-mpasi ye nsukami basanisina nkumbu aku.+
22 E Nzambi, telama wazenga e diambu diaku.
Sungamena wo vo zowa okutiangunanga e lumbu kiamvimba.+
23 Kuvilakani ko dina divovele mbeni zaku.
E kazu ki’awana batelamene kitombokanga kuna zulu ntangwa zawonso.
Mvovo vana yand'a lukaya
^ Tala Nsas’a Mvovo.
^ Mvovo wa sina: “nkutakani.”
^ Yovo “sengele.”
^ Yovo “sengele.”
^ Yovo “Fulu yawonso isambilwanga Nzambi.”
^ Yovo “vana mfokola za mvuatu miaku.”
^ Tala Nsas’a Mvovo.
