Nkunga 146:1-10
146 Nukembelela YA!*+
Yambula kiwuntu kiame kiawonso kiakembelela Yave.+
2 Ikembelela Yave muna zingu kiame kiawonso.
Iyimbidila Nzambi ame wau ngina moyo.
3 Ke nubundi wantu azitu vuvu koNgatu kwa mwan’a muntu, ona kalendi twasa luvuluku ko.+
4 O mwand’andi uvaika, ovutuka muna ntoto;+Muna lumbu kiakina ngindu zandi zifokoka.+
5 Kiese kwa ndiona una vo Nzambi a Yakobo i nsadisi andi,+E vuvu kiandi kina muna Yave wa Nzambi andi,+
6 O Mvangi a zulu yo ntoto,Kalunga ye yawonso ina mo,+Ona una vo nkwa ziku ntangwa zawonso,+
7 Ona ozenganga diambu dia awana bebangikwanga muna unsongi,Ona ovananga madia kwa muntu una ye nzala.+
Yave ovevolanga abakami.*+
8 Yave otemonanga meso ma mpofo;+Yave otelamesanga ana bakovamene;+Yave ozolanga ansongi.
9 Yave otaninanga anzenza;Osadisanga wana bakondwa mase ye akento bafwilwa akala,+Kansi ofungisanga makani ma yimpumbulu.*+
10 Yave okala se Ntinu yakwele mvu,+O Nzambi aku, e Zione oyala yamu mbandu ke mbandu.
Nukembelela YA!*
Mvovo vana yand'a lukaya
^ Yovo “Aleluya!” E “YA” i mpila yankufi ya yikila e nkumbu Yave.
^ Mvovo wa sina: “akangami.”
^ Yovo “otekomonanga nzil’a yimpumbulu.”
^ Yovo “Aleluya!” E “YA” i mpila yankufi ya yikila e nkumbu Yave.
