Nkunga 139:1-24
Kuna kwa ntwadisi a nkunga. Nkung’a Davidi.
139 E Yave, ngeye okumfimpanga, otomene kunzaya.+
2 Ozayanga vava ivuandanga ye vava itelamanga.+
Tuka kuna vala obakulanga e ngindu zame.+
3 Okuntalanga* vava ikangalanga ye vava ilavalalanga;Otomene zaya e nzila zame zawonso.+
4 O lubini lwame una ke luvaikisi mvovo ko,Ongeye, e Yave, ozeye wo kala.+
5 Unzungidi ku nima ye kuna ntwala;Untensekele koko kwaku.
6 O zayi wau uviokele umbakuzi wame.*
Wazanguka kikilu, kilendi wo baka ko.*+
7 Akweyi ndenda tinina mwand’aku,Akweyi ndenda tinina e ndose aku?+
8 Kele vo yatomboka kuna zulu, wadi kala kûna,Kele vo yasia e mfulu ame muna Ziami,* wadi kala mûna.+
9 Kele vo yatilumukina muna mave ma nkieleloNgienda kala kuna kalunga, kuna kwandá kikilu,
10 Kana nkutu kwakuna, o koko kwaku kukumfila,O koko kwaku kwalunene kukuntanina.+
11 Kele vo yavova: “E tombe fuka kikumfuka!”
Ozevo, o fuku una unzungidi wadi kituka se ntemo.
12 E tombe nkutu, ke kiadi kala tombe ko kwa ngeye,O fuku wadi kala wakiá nga mwini;+E tombe yo ntemo diau dimosi kwa ngeye.+
13 Kadi ngeye wavanga e nguba zame;Wamfuka* muna vumu kia ngudi ame.+
14 Isanisini kadi e mpila yavangilwa yampimpita ye sivi.+
Mavangu maku masivi,+Ntomene wo zaya.
15 E visi yame ke yaswekama ko oku winaVava yavangwa kuna kinsweki,
Vava yatungwa muna nsi a ntoto.+
16 Meso maku mamboma vava yakala muna vumu;E yikwa yame yawonso yasonama muna nkand’akuMuna lumbu ina yavangamanga,Una ke vakala kana kîkwa kimosi ko.
17 I dianu vo, e ngindu zaku zamfunu kikilu kwa mono!+
E Nzambi, o lutangu lwa ngindu zaku lwayingi kikilu!+
18 Avo ntezele zo tanga, zisunda e senge muna lutangu.+
Vava isikamanga, yakinu yaku.*+
19 E Nzambi, kele vo wavonda yimpumbulu!+
Akwa nsoki* nga bampavukidi,
20 Awana bekuvovelanga ye makani mambi;*I mbeni zaku ana besadilanga nkumbu aku e mpavala.+
21 E Yave, nga kimengene awana bekumenganga ko,+Yo mwena ngemi awana bekutelamenanga?+
22 Menga kikilu ikubamenganga;+Kuna kwa mono bakitukidi se mbeni.
23 E Nzambi, umfimpa, wazaya o ntim’ame.+
Umfimpa, wazaya ntokani zame.*+
24 Tala kana vo makani mambi mena mu mono,+Umfila+ muna nzil’a mvu ya mvu.
Mvovo vana yand'a lukaya
^ Mvovo wa sina: “Okuntezanga.”
^ Yovo “wasivi kikilu kwa mono.”
^ Yovo “kilendi wo fimpa ko.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Nanga, “Wantunga.”
^ Nanga, “yakinu zo tanga.”
^ Yovo “Abungudi a menga.”
^ Yovo “mun’owu wa ngindu zau.”
^ Yovo “ntelamw’ame a moyo.”
