Nkunga 107:1-43
107 Nuvana matondo kwa Yave, kadi oyandi wambote;+O walakazi wandi wakwele mvu.+
2 I wau bevova awana bakûlwa* kwa Yave,Ana kakûdidi vana moko ma* mbeni,+
3 Ana kakutakese tuka muna zinsi,+Tuka kuna este yakuna weste,*Tuka kuna node yakuna sude.+
4 Bavumvulwila muna makanga, muna nzanza,Ke basolola nzil’a mbanza ko ina bafwana zingila.
5 Bafwa e nzala ye vuina;Bayoya* kikilu mu kuma kia lutovoko.
6 Muna mpasi zau, bakazanga kwa Yave;+Oyandi wabavuluzanga muna mpasi zau.+
7 Wabadiatisila muna nzila asikila+Kimana balwaka muna mbanza bezingila.+
8 Yambula wantu bavutula matondo kwa Yave+ muna walakazi wandiYe muna mavangu mandi masivi muna wete dia wan’a wantu.+
9 Kadi wayukutisa nkwa vuina*Yo zadisa nkwa nzala* ye lekwa yambote.+
10 Akaka bakala mu tombe kin’e bu,Bakangama muna mpasi ye tuvambu.
11 Kadi bakolamena mvovo a Nzambi;Baveza malongi ma Mpungu-nene.+
12 I dianu kasakidikila e ntima miau muna kubatwasila e mpasi;+Bata sakuba, ke bakala ye nsadisi ko.
13 Muna mpasi zau, bakaza kwa Yave;Oyandi wabavuluza muna mpasi zau.
14 Ubavaikisa muna tombe kin’e bu,Yo zatuna tuvambu twau.+
15 Yambula wantu bavutula matondo kwa Yave muna walakazi wandi+Ye muna mavangu mandi masivi muna wete dia wan’a wantu.
16 Kadi wabangula yelo yansongoYo tolola mbindi za sengwa.+
17 Mazowa kwau, bamona e mpasi+Muna kuma kia bi ye masumu mau.+
18 Bavidisa e te dia madia mawonso;*Bafinama mavitu ma lufwa.
19 Muna mpasi zau, bakazanga kwa Yave;Oyandi wabavuluzanga muna mpasi.
20 Watwikanga diambu diandi yo kubawuka+Yo kubatombola muna mawulu mana babwa.
21 Yambula wantu bavutula matondo kwa Yave muna walakazi wandiYe muna mavangu mandi masivi muna wete dia wan’a wantu.
22 Yambula batambika yimenga ya matondo+Yo samuna mavangu mandi kuna kiese.
23 Awana bekwendelanga muna nzaza muna kalunga,Awana bekitilanga muna maza manene,+
24 I yau bemonanga lekwa yambote-mbote Yave kavangaIna muna kalunga;+
25 Mu nkia mpila, muna nkanikinu andi, vabundumukini tembwa kiangolo,+Kizangwidi mavuku ma kalunga.
26 Batombokele kuna zulu;Badimukini muna mwasina.
Wau bamwene vonza, unkabu wau usukidi.
27 Babakama kizungu-zungu yo sansala nze akwa nkolwa,E ngangu zau zawonso ke zina diaka mfunu ko.+
28 I bosi, muna mpasi zau, bakazidi kwa Yave,+Oyandi ubavulwizi muna mpasi zau.
29 Ovuvikidi e tembwa;O mavuku ma kalunga mavuvamene.+
30 Bamwene kiese wau mavuvamene,O Nzambi ubafididi vana sau dina bazolele.
31 Yambula wantu bavutula matondo kwa Yave muna walakazi wandiYe muna mavangu mandi masivi muna wete dia wan’a wantu.+
32 Yambula bantundidika muna nkutakani a nkangu,+Yo kunkembelela muna lukutakanu* lwa akuluntu.
33 Okitula nkoko se makanga,E nto za maza se ntoto ayuma,+
34 O ntoto a mbongo se ntoto a mungwa, ke uyimanga mbongo ko,+Muna kuma kia umpumbulu wa awana bezingilanga mo.
35 Okitula makanga se mayanga mazala ye matiti,O ntoto ayuma se nto za maza.+
36 I mûna kesia mimfwa nzala,+Kimana batunga mo e mbanza ina balenda zingila.+
37 Bakunini yana ye mpatu za vinyu+Zina ziyima mbongo ayingi.+
38 Ubasambwidi, bawokele kikilu;Kayambwidi ko vo twelezi yau yakuluka.+
39 Kansi, bakitukidi diaka se andwelo yo sakidikwaMuna kuma kia lubangamu, mpasi ye ntantu.
40 Otiamuna luvezo muna akwa tundaYo kubayunganesa muna makanga makondwa nzila.+
41 Vo i asukami okubatanina muna lubangamu+Yo wokesa nzo zau nze kambi dia mameme.
42 Ansongi bamwene wo, bayangalele;+Kansi, minkondwa unsongi awonso bakakidi e nua.+
43 O nkwa ngangu otoma fimpa mambu mama+Yo toma yindula o walakazi wa Yave.+
Mvovo vana yand'a lukaya
^ Yovo “basumbululwa.”
^ Yovo “muna wisa kia.”
^ Yovo “kuna mpaikilu a ntangwa yakuna ndimuk’a ntangwa.”
^ Yovo “E mioyo miau miayoya.”
^ Yovo “moyo wina ye vuina.
^ Yovo “moyo wina ye nzala.”
^ Yovo “E mioyo miau miamwena madia mawonso e ngemi.”
^ Mvovo wa sina: “vana fongo kia.”
