Nkunga 7:1-17
-
Yave i Mfundisi a nsongi
-
“Umfundisa, e Yave” (8)
-
Maniongo mana* Davidi kayimbidila Yave mu kuma kia mvovo mia Kuse wa Mbenyamini.
7 E Yave wa Nzambi ame, kwa ngeye ntinini.+
Umpuluza muna awonso bekumbangikanga, unkûla.+
2 Avo ke wau ko, bekuntiazuna* nga nkosi,+Bekumbaka kondwa kwa muntu kampuluza.
3 E Yave wa Nzambi ame, avo ngielele ngina yau muna diambu diadi,Avo vilwa mpangidi,
4 Avo mbi mpangidi kwa ndiona wampanga o wete,+Avo mbeni ame yasanza kondwa kuma,*
5 Yambula mbeni kandakama yo kumbaka;*Kadiatakesa moyo ame vana ntotoYo fukisa nkembo ame muna mbundukutu. (Sela)
6 Telama muna kasi diaku, e Yave;Telamena makasi ma mbeni zame;+Telama wansadisa, kanikina vo diambu diazengwa kuna unsongi.+
7 Yambula e zula yàzieta;Wabanuanisa tuka kuna zulu.
8 Yave ofundisa minkangu.+
Umfundisa, e Yave, mun’owu wa unsongi wameMun’owu wa ziku kiame.+
9 Sukisa mavangu mambi ma yimpumbulu.
Kansi, sikidisa akwa unsongi,+Kadi u Nzambi a unsongi,+ ona ofimpanga ntima+ y’oma maswekama.*+
10 Nzambi i ngubu ame,+ i Mvuluzi kuna kwa akwa ntima mia nsongi.+
11 Nzambi i Mfundisi a nsongi,+Nzambi otumbanga yimpumbulu e lumbu yawonso.
12 Avo muntu ke viluka ntima ko,+ osekesa nsosolo andi;+Ofumbika mfumb’andi yo kubika wo.+
13 Okubikanga nuaninua yandi yampondi;Okubikanga maswanga mandi matiya.+
14 Nutala ndiona owutanga umpumbulu;Oyimiti mpasi yo wuta luvunu.+
15 Otimini e wulu, otomene dio kobola,Kansi obwidi muna wulu dina katimini.+
16 E mpasi zina katwese zivutuka muna ntu andi;+O nsoki andi ukumbwila vana ntandu a ntu.
17 Ikembelela Yave muna kuma kia unsongi wandi;+Yimbidila iyimbidila e nkumbu a Yave+ wa Mpungu-nene.+
Mvovo vana yand'a lukaya
^ Yovo “Mbembo a.”
^ Yovo “betiazuna moyo ame.”
^ Nanga, “Ekolo yayambulwilanga ndiona wansia kintantu kondwa kuma.”
^ Yovo “kalakama moyo ame.”
^ Yovo “otontanga ntima ye nguba.”
