Nkunga 57:1-11
Kuna kwa ntwadisi a nkunga; muna nkunga, “Kutwasi Lufwasu ko.” Nkung’a Davidi. Mikitame.* Vava katina Saulu yo swama muna nduka.+
57 Umfwila e nkenda, e Nzambi, umfwila e nkenda,Kadi kwa ngeye ntinini,+Muna kini* kia mave maku ntinini yavana kiviok’e mpasi.+
2 Mbokele kwa Nzambi wa Mpungu-nene,Kuna kwa Nzambi aludi ona omanisanga e mpasi mu kuma kiame.
3 Otwika lusadisu tuka kuna zulu, kampuluza.+
Ofungisa ndiona okumbangikanga. (Sela)
Nzambi otwika walakazi wandi ye ziku kiandi.+
4 Nzungilu* kwa nkosi;+Ndavalele vana vena awana bazolele kundia,O meno mau, madionga ye maswangaO tubini twau, nsosolo watwá.+
5 Yambula watundalala kuna ntandu a zulu, e Nzambi;O nkembo aku wakala vana ntandu a nza yawonso.+
6 Balekele malu mame e konde;+Nkovamene muna kuma kia mpasi.+
Batimini e wulu kuna ntwal’ame,Kansi yau kibeni babwidi mo.+ (Sela)
7 E Nzambi,+ o ntim’ame usikidi,O ntim’ame usikidi.
Iyimbila nkunga yo kukembelela.
8 Sikama e ntim’ame.*
Sikama, e nsambi; ongeye mpe e kokolo.
Isikamesa nkielelo a kuma.+
9 E Yave, ikukembelela vana vena nkangu;+Yo kuyimbidila vana vena zula.+
10 Kadi o walakazi waku wayingi, wazanguka nze una wazangukila e zulu,+E ziku kiaku kilweke yamuna matuti.
11 Yambula watundalala kuna ntandu a zulu, e Nzambi;O nkembo aku wakala vana ntandu a nza yawonso.+
Mvovo vana yand'a lukaya
^ Tala Nsas’a Mvovo.
^ Yovo “ninga.”
^ Yovo “Moyo ame uzungilu.”
^ Mvovo wa sina: “nkembo ame.”
