KIUVU KIA 2
Aweyi Olenda Zayila Nzambi?
“O nkanda wau wa Nsiku ke ufwete vavuka mu nu’aku ko, tanganga wo muna nding’a kuluka fuku yo mwini, kimana watoma lunda mawonso masonama mo; kadi i nsingika osingika nzila zaku yo vanga owu wa ngangu.”
“Bakwamanana tanga nkand’a Nsiku a Nzambi aludi muna nding’angolo, yatoma kiá yo sasila wo; i mpila yayi basadisila nkangu mu toma bakula mana matangwanga.”
“Nkwa kiese o muntu ke kangalelanga muna malongi ma yimpumbulu ko . . . , kansi o luyangalalu lwandi luna muna nsiku a Yave, otanganga nsiku Andi muna ndinga yakuluka fuku yo mwini. . . . Mawonso kevanga mesikila.”
“Filipo wele ntinu, ofinamene vana ndambu, unwidi ekolo ketanganga mu nding’angolo nkand’a Yesaya wa ngunza, unyuvuidi vo: “Nga obakwidi mana otanganga?” Ovutwidi vo: “Aweyi ndenda mo bakulwila, avo ke vena muntu ko olenda mo kunsasila?””
“E fu yandi ilembi monekanga itomene moneka tuka kiasemenua e nza, kadi imonekanga muna lekwa kavanga, musungula nkum’andi a mvu ya mvu yo Unzambi wandi, ke bena nkutu ye mpila bakatikisila yo ko.”
“Toma yindula mambu mama; ukivana mo emvimba, kimana lunungunuku lwaku lwamoneka kwa wantu awonso.”
“Yambula twayinduziananga kimana twasikamesa o zola ye mavangu mambote kwa muntu yo nkwandi, ke tuyambula kutakana ko.”
“Avo mosi muna yeno okondelo ngangu, yambula kakwamanana lomba kwa Nzambi, ona ovaninanga kuna mvevo kw’awonso yo lembi semba, zivewa kwa yandi.”
