KIUVU KIA 7
Adieyi e Bibila Kiasakula mu Kuma Kia Lumbu Yeto?
“Zula kitelamena zula, kintinu kitelamena kintinu . . . Mambu mama mawonso i lubantiku lwa nsongo.”
“Ngunza zayingi zaluvunu zibundumuka yo vukumuna wantu ayingi; muna kuma kia wokela kwa umpumbulu, o zola kwa wantu ayingi kuvola.”
“Vava nuwá vita ye nsangu za vita, ke nutelamua mioyo ko; mambu mama mafwete vangama, vo i mbaninu ke yayizidi ntete ko.”
“Mukala nzakama zangolo za ntoto, muna zunga eki ye kiankaka mvengele ye vuku; mukala mpe mambu mansisi ye sinsu yanene yituka kuna zulu.”
“Muna lumbu yambaninu mukwiza nsungi zampasi ye vonza. Kadi wantu bekala akwa kuyizola, minzol’a nzimbu, akwa lusanu, akwa lulendo, akwa lutiangu, akolamini a mase ye ngudi, ntokozi, minkondwa kwikizi, minkondwa nzol’a ungudi, minkondwa ngwizani, akumbi, minkondwa volo, akwa nganzi, mindembi zola mawete, ayekodi, akwa mpaka, bazola kuyitundidika, azodi a nkembo ke mu Nzambi ko, bena nze yau bevuminanga Nzambi, kansi bebembolanga o nkum’a vumi wau.”
