Tala mambu

Tukutakanu twa Mbangi za Yave

Zaya oma ma tukutakanu tweto. Vava fulu kia tukutakanu kina lukufi.

Luzayisu lwa vuku kia coronavírus (COVID-19): Mu kuma kia vuku, o tukutakanu tweto mu video yovo mu telefone tuvangamenanga. Muna zaya e mpila olenda landila tukutakanu tweto, yuvula kwa Mbangi a Yave yovo ziula e fulu kina ova yanda.

Solola Fulu Kina Lukufi (opens new window)

Nkia Mambu Mevangamanga Muna Tukutakanu Tweto?

Muna konso lumingu, Mbangi za Yave nkumbu miole bekutakananga mu sambila Nzambi. (Ayibere 10:24, 25) Muna tukutakanu twaku, wantu awonso balenda kota kwau. Tulongokanga mana mevovanga e Bibila ye una tulenda mo sadila muna zingu kieto.

Mayingi muna malongi meto ma yuvu ye mvutu, i sia vo ma mbokena yo nkangu nze una uvangamanga kuna sikola. Tukutakanu tweto tuyantikilanga yo fokokela muna nkunga ye sambu.

Ke divavanga ko vo wakala ntete Mbangi a Yave mu lungana muna tukutakanu tweto. Tubokelanga wantu awonso. Konso muntu kalenda fonga va kunda kina kazolele. Ke mulombwanga nzimbu ko nkatu nsisani.