Nkunga 105:1-45
105 Nuvutula matondo kwa Yave,+ nuvovela e nkumbu andi,Nuzayisa mavangu mandi vana vena nkangu!+
2 Nunyimbidila, nunkembelela muna nkunga,Nuyindula* mavangu mandi mawonso masivi.+
3 Nuyisanina muna nkumbu andi avauka.+
Yambula ntima mia awana bevavanga Yave miamona e kiese.+
4 Nuvava Yave+ yo nkum’andi.
Nutomba ndose andi e ntangwa zawonso.
5 Nusungamena mavangu mandi manene,Masivi mandi ye mfundisa zandi,+
6 Yeno mbongo a Abarayama wa selo kiandi,+E yeno wan’a Yakobo, ana kasola.+
7 Yandi i Yave wa Nzambi eto.+
E mfundisa zandi zina muna nza yawonso.+
8 Osungamenanga e kangu diandi yakwele mvu,+O nsilu kasia* kwa funda dia mbandu,+
9 E kangu kakanga yo Abarayama,+Ye ndofi ina kadila Isaki,+
10 Ina kasikidisa se mîna kwa Yakobo,Se kangu dia mvu ya mvu kwa Isaele,
11 Oku vo: “Ikuvana nsi ya Kenani+Se kunku kia vua diaku.”+
12 Ediadi diavangama vava ke bakala ndonga ko,+Elo, andwelo kikilu ye nzenza bakala muna nsi yayina.+
13 Bayungana tuka zula yamuna zula,Tuka muna kintinu kimosi yamuna nkangu ankaka.+
14 Kayambula konso muntu ko kababangika,+Kansi, watumba atinu mu kuma kiau,+
15 Oku vo: “Ke nuviakana kuswa yame ko,Ke nuvangi mbi kwa ngunza zame ko.”+
16 Watwika mvengele muna nsi;+Wasukisa e tuku dia madia mau.*
17 Wabavitisila muntu,Yosefe ona watekwa se ntaudi.+
18 Bankanga malu muna luvambu,+Basia e nsingu* andi muna sengwa
19 Yavana kialungana e diambu diandi,+E mvovo a Yave wamvelelesa.
20 O ntinu watuma vo kavaikiswa,+O nyadi a nkangu wamvevola.
21 Wanyekeka kimfumu kia nzo andi,Ye kiyekwa kia mavua mandi mawonso,+
22 Katwadisa* afidi andi muna luzolo lwandi,*Yo longa akuluntu andi e ngangu.+
23 I bosi Isaele wakota muna Engipito,+Yakobo okedi se nzenza muna nsi a Kami.
24 Nzambi wawokesa kikilu o nkangu andi;+Wabasundisa e ngolo lutila mbeni zau,+
25 Wavilula ntima miau kimana bamenga nkangu andi,Yo kana vanga selo yandi e mbi.+
26 Watuma Mose wa selo kiandi+Yo Arone+ ona kasola.
27 Bavanga sinsu yandi vana kati kwau,Ye masivi mandi muna nsi a Kami.+
28 Nzambi watwika tombe, e nsi yayina yabukama tombe;+Ke bakolamena mvovo miandi ko.
29 Wakitula maza mau se mengaYo vonda mbizi zau za maza.+
30 E nsi au yazala ye mazundu,+Yamuna masuku ma ntinu.
31 Watwika mbwanziYe mbu muna mvivu miau miawonso.+
32 Wabanokesena matadi ma mvulaYo kubatwikila nsemo* muna nsi.+
33 Wafwasa e nsinga miau mia vinyu ye nsanda miauWafutakesa nti muna mvivu miau.
34 Watwika buka kia makonko,Wan’a makonko balembi tangakana.+
35 Badia makaya mawonso muna nsi,Yo dia e mbongo a ntoto.
36 I bosi, wavonda wan’antete awonso muna nsi,+Lubantiku lwa nkum’a nima zau.
37 Wavaikisa nkangu andi ye palata ye wolo;+Muna makanda mandi ke mwakala muntu ko wata sakuba.
38 Engipito yayangalala vava bavaika,Kadi wonga wa Isaele wabalwakila.+
39 Wayalumuna tuti muna kubatanina+Ye tiya twavananga o ntemo muna fuku.+
40 Oyau balomba, oyandi wabavana yimbimbi;+Wakwamanana kubayukutisila muna madia* matuka kuna zulu.+
41 Wawula tadi, maza mapongoka;+Makukula nze nkoko muna makanga.+
42 Kadi wasungamena nsilu avauka owu kasila Abarayama wa selo kiandi.+
43 Wavaikisa nkangu andi kuna kiese,+Ana kasola ye kazu kiakiese.
44 Wabavana nsi za zula;+Babaka mfutu a salu kia nkangu miankaka,+
45 Kimana balunda nkanikinu miandi+Yo lemvokela nsiku miandi.
Nusanisina YA.*
Mvovo vana yand'a lukaya
^ Nanga, “Nuvovela.”
^ Mvovo wa sina: “E diambu kakanikina.”
^ Mvovo wa sina: “Watolola nkau miawonso mia mbolo.” Nanga i nkau mina bazembelekanga e mbolo zakala nga nlunga.”
^ Yovo “Bakanga o moyo.”
^ Mvovo wa sina: “Kakanga.”
^ Yovo “una uzolele moyo andi.”
^ Yovo “nlaku mia tiya.”
^ Mvovo wa sina: “mbolo.”
^ Yovo “Aleluya.” E “YA” i mpila yankufi ya yikila e nkumbu Yave.
