Nkunga 132:1-18
Nkung’a Ntomboka.
132 E Yave, sungamena DavidiYe mpasi zandi zawonso;+
2 E mpila kadila e ndofi kwa Yave,Ye nsilu kasia kwa Nengolo a Yakobo:+
3 “Kikota muna saba kiame ko, muna nzo ame.+
Ngatu leka vana mfulu ame;
4 Kizima meso mame ko,Ngatu yambula vê yame ya meso yanimba
5 Yavana isololwela Yave e fulu,E nzo ambote* a Nengolo a Yakobo.”+
6 Tuwidi nsangu zandi muna Eferata;+Tusolwele yo muna masole ma mfinda.+
7 Yambula twakota muna nzo andi;*+Twafukama vana sikinua kia tambi yandi.+
8 Telama, e Yave, kota muna vundilu diaku,+Ongeye ye Nkel’a nkum’aku.+
9 E nganga zaku yambula zavuata unsongi,E minkwikizi miaku bayengoloka ye kiese.
10 Muna kuma kia selo kiaku Davidi,Kubembola* kuswa kiaku ko.+
11 Yave wadila Davidi e ndofi;Ke vutuka manima ko muna diambu diandi:
“Vuandisa ivuandisa mosi muna mbongo aku,*Vana kunda kiaku kia kimfumu.+
12 Avo wan’aku balundidi e kangu diameYe mîna miame mina ikubalonganga,+Ozevo wan’au mpeBevuanda vana kunda kiaku kia kimfumu yakwele mvu.”+
13 Kadi Yave osolele Zione;+Ozolele yo se fulu kiandi, oku vo:+
14 “Diadi i vundilu diame diakwele mvu;I kwaku izingila,+ kadi i luzolo lwame.
15 Sambula isambula yo ye madia;Iyukutisa asukami ye mbolo.+
16 Ivuika luvuluzu kwa nganga zandi,+E minkwikizi miandi beyengoloka ye kiese.+
17 Kûna iwokesela nkum’a* Davidi.
Nkubikidi kuswa kiame e mwinda.+
18 Ivuika nsoni kwa mbeni zandi,Kansi, e kolowa vana ntu andi isakumuka.”+
Mvovo vana yand'a lukaya
^ Yovo “Saba kianene.”
^ Yovo “saba kiandi kianene.”
^ Mvovo wa sina: “Kuvilula ndose a kuswa kiaku ko.”
^ Mvovo wa sina: “Mbongo a vumu kiaku.”
^ Mvovo wa sina: “e mpok’a.”
