Nkunga 116:1-19
116 Izolanga YaveKadi owanga e nding’ame,* e ndodokela zame.+
2 Wau kantambidi o matu,*+Bokela ikumbokela ekolo ngina moyo.*
3 E nsinga mia lufwa minzingalakene;E Ziami kimbakidi.*+
E mpasi ye ntantu zinsundidi.+
4 I dianu mbokelele nkumbu a Yave vo:+
“E Yave, umpuluza!”*
5 Yave nkwa ngemba yo unsongi;+Nzambi eto nkwa nkenda.+
6 Yave olundanga minkondwa ngangu.+
Vava ngioyele, umpulwizi.
7 Yambula moyo* ame wavunda diaka,Kadi Yave unsongele ngemba.
8 Ngeye umpulwizi muna lufwa,O meso mame muna mansanga, o malu mame muna sakuba.+
9 Idiatila vana vena Yave muna nsi y’awana bena moyo.
10 Nkwikidi, i kuma mpovele;+Mu mpasi kibeni yakedi.
11 Vo i mono, mbwene wonga yo vova vo:
“Wantu awonso akwa luvunu.”+
12 Nki ivutula kwa YaveMuna mawete mawonso kampangidi?
13 Zangula izangula e mbungw’a luvuluku,*Yo bokela nkumbu a Yave.
14 Lungisa ilungisa e ndofi zame kwa YaveVana vena nkangu andi wawonso.+
15 E diambu diampasi* vana meso ma YaveI lufwa lwa minkwikizi miandi.+
16 E Yave, idodokele,Kadi mono i selo kiaku.
I selo kiaku, mwan’a ntaudi aku ankento.
Unkutulwidi muna tuvambu twame.+
17 Ikuvana kimenga kia matondo;+Ibokela e nkumbu a Yave.
18 Lungisa ilungisa e ndofi zame kwa Yave+Vana vena nkangu andi wawonso,+
19 Vana yanzala ya nzo a Yave,+Vana kati kwaku, e Yerusaleme.
Nukembelela YA!*+
Mvovo vana yand'a lukaya
^ Nanga, “Ngina yo zola, kadi o Yave owanga.”
^ Yovo “kakulukidi kangwa.”
^ Mvovo wa sina: “e lumbu yame yawonso.”
^ Mvovo wa sina: “E mpasi za Seol zinsolwele.”
^ Yovo “vuluza moyo ame.”
^ Tala Nsas’a Mvovo.
^ Yovo “e mpuluz’ampwena.”
^ Mvovo wa sina: “Lwantalu.”
^ Yovo “Aleluya!” E “YA” i mpila yankufi ya yikila e nkumbu Yave.
