Nkunga 9:1-20
Kuna kwa ntwadisi a nkunga; muna Muti-labene.* Nkung’a Davidi.
א [Alefe]
9 E Yave, ikukembelela ye nsi a ntim’ame yawonso;Ivovela mavangu maku mawonso masivi.+
2 Iyangalela yo yengoloka muna ngeye;Iyimbidila nkumbu aku e nkunga, e Mpungu-nene.+
ב [Bete]
3 Vava mbeni zame zivutuka manima,+
Beta sakuba yo fwila vana ndose aku.
4 Kadi untanini muna mfundu ame ansongi;Ovuende vana kunda kiaku kia kimfumu yo fundisila kuna unsongi.+
ג [Ngimele]
5 Otumbidi zula+ yo fwasa yimpumbulu,Ovunzwini nkumbu zau yakwele mvu.
6 E mbeni bafwasilu yakwele mvu;Ofwasidi mbanza zau,O luyindulu lwau lwawonso luvila emvimba.+
ה [He]
7 Kansi Yave una vana kunda kiandi kia kimfumu yakwele mvu;+Watoma sikidisa kunda kiandi kia kimfumu muna unsongi.+
8 Ofundisila e nza* muna unsongi;+Ozengela e zula nzengo za nsongi.+
ו [Wau]
9 Yave okala se tininu kwa mimbona-mpasi,+Tininu diasikila* muna ntangw’a mpasi.+
10 Awana bazeye nkumbu aku bekubunda e vuvu;+Kusinga bembola ko awana bekuvavanga, e Yave.+
ז [Zayine]
11 Nuyimbidila Yave, yeno nukalanga muna Zione;Nuzayisa mavangu mandi kwa minkangu.+
12 Kadi o Nzambi olandilanga menga ma mimbona-mpasi e kunda, okubayindula;+Ke vilakana kazu kiau ko.+
ח [Hete]
13 Unsonga dienga, e Yave; tala e mpasi mbweseso kw’awana bekumbenganga,Ngeye untombwele muna mavitu ma lufwa,+
14 Kimana yasamuna mavangu maku mana mafwene sanisinua muna mavitu ma mwan’ankento a Zione,+Yamwena mavangu maku ma luvuluzu e kiese.+
ט [Tete]
15 E zula ibwidi muna wulu dina batimini;O malu mau mabakamene muna konde dina balekele.+
16 Yave ozayakene muna nzengo zandi.+
E kimpumbulu obakamene muna vangu dia moko mandi.+
Yingayoni.* (Sela)
י [Yode]
17 E yimpumbulu bekwenda muna Ziami,*E zula yawonso ina ivilakananga Nzambi.
18 Kansi asukami ke bevilakanua ko yakwele mvu;+E vuvu kia alembami ke kisuka ko.+
כ [Kafe]
19 Telama, e Yave! Kuyambula ko vo muntu kasunda.
Yambula e zula yafundisilwa vana ndose aku.+
20 Ubamwesa wonga, e Yave,+Yambula e zula yazaya wo vo mpasi wantu kwau. (Sela)
Mvovo vana yand'a lukaya
^ Tala Nsas’a Mvovo.
^ Yovo “ntoto uyimanga e mbongo.”
^ Yovo “diazanguka.”
^ Tala Nsas’a Mvovo.
^ Yovo “Seol,” i sia vo, ziami kia wantu awonso. Tala Nsas’a Mvovo.
