Nkunga 12:1-8
-
Yave otelamene kavanga diambu
-
Mvovo mia Nzambi miavelela (6)
-
Kuna kwa ntwadisi a nkunga. Muna masikilu ma nsinga mialekama muna Seminite.* Nkung’a Davidi.
12 Umpuluza, e Yave, kadi kavena diaka nkwa ziku ko;Minkwikizi basukidi vana vena wantu.
2 Bevovanga luvunu muntu yo nkwandi;Bevovelanga muna befo ya malengo ye ntim’a umpuki.*+
3 Yave ofwasa befo yawonso ya malengoYe lubini luvovanga mambu manene ma lusanu,+
4 Ana bavovele vo: “Tusundila muna tubini tweto.
Tusadila befo yeto konso una tuzolele;Nani okala mfumu eto?”+
5 “Muna kuma kia mpasi zimweswanga minkondwa asadisi,Muna kuma kia bumu ki’asukami,+Se yatelama yo vanga diambu,” u kavovele o Yave.
“Ikubavuluza vana moko m’awana bekubasakanenanga.”*
6 E mvovo mia Yave miavelela;+Mina nze palata yakenzelwa muna fûlu dia ntoto, yakenzwa nkumbu nsambwadi.
7 Okubatanina, e Yave;+Otanina konso muntu muna yau tuka muna mbandu yayi yamu mvu ya mvu.
8 E yimpumbulu bekwendanga konso kuna bazoleleKadi wan’a wantu basakisi o umpumbulu.+
Mvovo vana yand'a lukaya
^ Tala Nsas’a Mvovo.
^ Mvovo wa sina: “ntima miole.”
^ Yovo “bekubakufunuinanga.”
