Nkunga 50:1-23
Nkung’a Asafi.+
50 Yave wa Nzambi ona osundidi nzambi zawonso,+ ovovele;Obokele nzaTuka kuna mpaikilu a ntangwa yakuna ndimuk’andi.*
2 Tuka muna Zione, ovienga kwalunga,+ Nzambi okezimanga.
3 Nzambi eto okwiza, ke kala pi-i ko.+
Vana ndose andi vena ye tiya tuzinisanga,+Muna nzunguluka andi muna ye tembwa kiangolo.+
4 Obokele zulu ye ntoto,+Kimana kafundisa nkangu andi:+
5 “Nukutakana ova ngina yeno minkwikizi miame,Awana bakangidi yame e kangu muna kimenga.”+
6 E zulu ditelekanga unsongi wandi,Kadi Nzambi i Mfundisi.+ (Sela)
7 “Nuwá, e nkangu ame, yavova;E Isaele, ikala se mfundi aku.+
Mono i Nzambi, wa Nzambi eno.+
8 Kinutumbidi ko mu kuma kia yimenga yeno,Ye tukau tweno twangioka nutambikanga ntangwa zawonso ova ndose ame.+
9 Kivuidi mfunu wa tambula koko dia ngombe ko muna nzo enoNgatu nkombo* muna mpaka zeno.+
10 Kadi e mbizi zawonso za mfinda i zame,+Kana nkutu bulu ina vana funda dia miongo.
11 Nzeye nuni zawono za miongo;+E mbizi zawonso za mfuta zilembi tangakana i zame.
12 Kele vo nzala ngina zau, kiadi wo kuzayisa ko,Kadi o ntoto uyimanga e mbongo ye yawonso ina mo i yame.+
13 Nga idia mbizi a ngombeYo nua menga ma nkombo?+
14 Vana yimenga ya matondo kwa Nzambi,+Lungisa e nsilu miaku kwa Mpungu-nene;+
15 Umbokela muna ntangw’ampasi.+
Ikuvuluza, okunkembelela.”+
16 Kansi, Nzambi ovova kwa kimpumbulu vo:
“Nani uvene nswa wa samuna nsiku miame+
Ngatu vovela kangu diame?+
17 Kadi ongeye omenganga e longi,Yo fila mvovo miame nima.*+
18 Vava omwene mwivi, untondele,*+Okangalanga entwadi ye minta-zumba.
19 O nu’aku usayanesanga mambu mambi,O luvunu lwalaminina muna lubini lwaku.+
20 Ovuende wakumba mpangi aku;+Osenzekele bi wa mwan’a ngudi aku.
21 Vava wavanga mambu mama, mono yadingalala,I dianu wayindulwila vo mfwanane yaku.
Kansi, owau tumba ikutumba,Funda ikufunda kuna mbazi a nkanu.+
22 Nuyindula mambu mama, e yeno nuvilakene Nzambi,+Avo ke wau ko, ikunuzenga tini-tini, ke nukala ye mvuluzi ko.
23 Ndiona okumpana yimenga ya matondo, okunkembelelanga,+Ndiona olandanga e nzila yasikidiswa,Ikumfila kamona luvuluzu lwa Nzambi.”+
Mvovo vana yand'a lukaya
^ Yovo “Tuka kuna este yakuna weste.”
^ Mvovo wa sina: “nkombo za makoko.”
^ Mvovo wa sina: “Yo tuba mvovo miame oku nima aku.”
^ Nanga, “unyikamene.”
