Nkunga 75:1-10
-
Nzambi muna unsongi kefundisilanga
-
Wantu ambi mbungw’a Yave besinga nua (8)
-
Kuna kwa ntwadisi a nkunga. Muna nkunga, “Kutwasi Lufwasu Ko.” Nkung’a Asafi.+ Nkunga.
75 Tuvutwidi matondo, e Nzambi, tuvutwidi matondo;E nkumbu aku lukufi ina,+Wantu besamunanga mavangu maku masivi.
2 Ovovele vo: “Avo nsikidisi kolo,Ifundisila muna unsongi.
3 E nza yawonso ye nkangu andi vava yazakama,Mono yasikinina malunzi mandi.” (Sela)
4 Mpovese akwa lulendo: “Ke nuyisani ko,”Kuna kwa yimpumbulu: “Ke nusanisini ngolo zeno ko.*
5 Ke nuluta sanisina ngolo zeno ko*Ngatu vovela kuna lulendo.
6 Kadi o zitu ke utukaKuna este ko yovo kuna weste ngatu kuna sude.
7 Kadi Nzambi i Mfundisi.+
Okulwidi mosi yo tundidika wankaka.+
8 Kadi vana koko kwa Yave vena ye mbungwa;+E vinyu iyilanga, izele ye nsangu.
Kieleka, otiamuna yo,Yimpumbulu yawonso ya nza benua yo, yamuna tosi dia nsuka.”+
9 Vo i mono, isamuna diambu diadi yakwele mvu;Iyimbidila Nzambi a Yakobo.
10 Kadi ovovele vo: “Sukisa isukisa ngolo* zawonso za yimpumbulu,Kansi e ngolo* z’asongi wokela kaka ziwokela.”
Mvovo vana yand'a lukaya
^ Mvovo wa sina: “Ke nuzangula mpoka zeno ko.”
^ Mvovo wa sina: “zangula mpoka.”
^ Mvovo wa sina: “mpoka.”
^ Mvovo wa sina: “mpoka.”
