Nkunga 118:1-29
118 Nuvana matondo kwa Yave, kadi oyandi wambote;+O walakazi wandi wakwele mvu.
2 Yambula Isaele kavova vo:
“O walakazi wandi wakwele mvu.”
3 Yambula esi nzo ya Arone bavova vo:
“O walakazi wandi wakwele mvu.”
4 Yambula awana bevuminanga Yave bavova vo:
“O walakazi wandi wakwele mvu.”
5 Muna mpasi zame mbokele YA;*YA umpene mvutu, unkotese vana fulu kiavuvama.*+
6 Yave wina oku sambu diame; kimona wonga ko.+
O muntu adieyi kalenda kumpanga?+
7 Yave wina oku sambu diame, se nsadisi ame;*+Isinga mona lufwasu lw’awana bambengene.+
8 O tinina kwa Yave disundidi o weteKe mu sia vuvu kwa wantu ko.+
9 O tinina kwa Yave disundidi o weteKe mu sia vuvu kw’a mfumu ko.+
10 E zula yawonso inzungidi,Kansi ibatinisini+Muna nkumbu a Yave.
11 Banzungidi, elo, banzungidi muna ndambu zawonso,Kansi ibatinisini,Muna nkumbu a Yave.
12 Banzungidi nze mbwingina,*Kansi muna nzaki baziminu nze nlaku a tiya a mvanga.
Muna nkumbu Yave,Ibatinisi.+
13 Bandungwini* kimana yabwa,Kansi Yave unsadisi.
14 YA i tininu diame ye nkum’ame,Okitukidi se luvuluzu lwame.+
15 E nding’a kiese yo luvuluzu*Ina muna saba y’ansongi.
O koko kwalunene kwa Yave kusonganga nkum’andi.+
16 O koko kwalunene kwa Yave kuzangukidi;O koko kwalunene kwa Yave kusonganga nkum’andi.+
17 Kifwa ko, zinga izinga,Kimana yasamuna mavangu ma YA.+
18 YA umpene tumbu kiangolo,+Kansi kangiekwele muna lufwa ko.+
19 Unziulwila mavitu ma unsongi;+Ikotela mûna, yakembela YA.
20 Ediadi i vitu dia Yave.
Ansongi i mûna bekotela.+
21 Kembelela ikukembelela, kadi umpene mvutu+Okitukidi se luvuluku lwame.
22 E tadi dina diabembolwa kw’atungiI diau diakituka se mbut’a tadi dia konko.*+
23 Ediadi kwa Yave diatuka;+Diasivi mu meso meto.+
24 E kiaki i lumbu kiavanga Yave;Tumona e kiese yo yangalela kio.
25 E Yave, tudodokele, utuvuluza!
E Yave, do, utuvana nsundidi!
26 Nkwa nsambu ndiona okwizanga muna nkumbu a Yave;+Tunusambulwidi muna nzo a Yave.
27 Yave i Nzambi;Okutuvananga ntemo.+
Nuyikama e ndiat’a nkinzi ye mandalala vana moko,+Yavana mpoka za ziku.+
28 Ngeye u Nzambi ame, kembelela ikukembelela;E Nzambi ame, tundidika ikutundidika.+
29 Nuvana matondo kwa Yave,+ kadi oyandi wambote;O walakazi wandi wakwele mvu.+
Mvovo vana yand'a lukaya
^ E “YA” i mpila yankufi ya yikila e nkumbu Yave.
^ Yovo “fulu kiasanzuka.”
^ Nanga, “vana vena awana bekunsadisanga.”
^ Yovo “nuki.”
^ Nanga, “Ngeye undungwini.”
^ Yovo “nsundidi.”
^ Mvovo wa sina: “ntu a konko.”
