Nkunga 85:1-13
Kuna kwa ntwadisi a nkunga. Nkung’a wan’a Kora.+ Nkunga.
85 E Yave, osongele nsi aku e dienga;+Ovutwidi o nkangu a Yakobo una wanatwa muna kinkole.+
2 Ololokele vilwa wa nkangu aku;Ololokele* masumu mau mawonso.+ (Sela)
3 Ovilukidi muna makasi maku mawonso;Yo vavuka e nsita za makasi maku.+
4 Utuvutula* e Nzambi a luvuluzu lweto,Yambula makasi maku muna yeto.+
5 Nga okutufungila makasi yakwele mvu?+
Nga makasi maku mekala kaka muna mbandu ye mbandu?
6 Nga kukutuzingisa diaka koKimana nkangu aku wamona kiese muna ngeye?+
7 Utusonga walakazi waku, e Yave,+Utuvana luvuluzu lwaku.
8 Wá iwá mana kevova o Yave wa Nzambi aludi,Kadi osamuna luvuvamu kwa nkangu andi,+ kwa minkwikizi miandi,Kansi, yambula balembi vutuka kuyibunda vuvu kiasaka.+
9 Kieleka, e mpuluz’andi ifinamene awana bekumvuminanga,+Kimana nkembo andi wakala mwamu nsi eto.
10 O walakazi uwanana ye ziku;O unsongi ufibana ye luvuvamu.+
11 E ziku kisakumuka muna ntoto,Tuka kuna zulu, unsongi utala ova nsi.+
12 Elo, Yave ovana lekwa yambote,*+E nsi eto iyima e mbongo andi.+
13 Unsongi ukumvita kuna ntwala+Yo ziulwila e tambi yandi e nzila.
