Nkunga 103:1-22
Nkung’a Davidi.
103 Yambula yasanisina* Yave;Yawonso ina mu mono, yambula yasanisina nkumbu andi avauka.
2 Yambula yasanisina* Yave;Yambula yalembi vilakana mawonso kavanga.+
3 Ololokanga mbi aku yawonso+Yo sasula yimbevo yaku yawonso;+
4 Okula moyo aku muna wulu,*+Yo kuvuika walakazi ye nkenda.+
5 Okuyukutisa ye lekwa yambote+ muna zingu kiaku kiawonso,Mpasi vo utoko waku wavanguluka nze ngo-zulu.+
6 Yave nkwa ziku ye unsongi+Kw’awonso bebangikwanga.+
7 Wasonga e nzila zandi kwa Mose,+Ye mavangu mandi kwa wan’a Isaele.+
8 Yave nkwa nkenda ye ngemba,+Ke funganga makasi mu nzaki ko, ozele yo walakazi.+
9 Ke kwamanana kututumba ko,+Ngatu funga makasi yakwele mvu.+
10 Ke kadilanga yeto ko mun’owu wa masumu meto,+Ngatu kutuvutulwila mun’owu wa bi weto.+
11 Kadi, wauna e zulu disundidi o ntoto muna zanguka,O walakazi wandi mpe usundidi o nene kw’awana bekumvuminanga.+
12 Wauna wavavukila e fulu kivaikilanga e ntangwa ye fulu kidimukinanga e ntangwa,I una kasididi o masumu meto kwandá.+
13 Nze una se kefwilanga wan’andi e nkenda,Yave mpe ofwilanga e nkenda awana bekumvuminanga.+
14 Kadi otomene zaya owu twavangilwa,+Osungamenanga vo tu ntoto.+
15 Vo i muntu, e lumbu yandi ina nze lumbu ya titi;+Osakumuka nze mvuma muna kiana.+
16 Kansi, avo tembwa kivevomokene, zivila emvimba,Nze vika sia vo ke zasidi kala ko.*
17 Kansi, o walakazi wa Yave wakwele mvu*Kw’awana bekumvuminanga,+Unsongi wandi yamuna atekelo au,+
18 Kwa awana belundanga e kangu diandi+Ye awana betoma lundanga nkanikinu miandi.
19 Yave watoma sikidisa e kunda kiandi kuna zulu;+E kintinu kiandi kiyalanga yawonso.+
20 Nusanisina Yave, e mbasi zandi zawonso za nkuma,+Ana belungisanga diambu diandi+ yo lemvokela nding’andi.*
21 Nukembela Yave, yeno vu yandi yawonso,+Yeno selo yandi nuvanganga luzolo lwandi.+
22 Nukembela Yave ye salu yandi yawonso,Muna fulu yawonso ina keyalanga.*
E kiwuntu kiame kiawonso, yambula kiakembelela Yave.
Mvovo vana yand'a lukaya
^ Yovo “Yambula moyo ame wasanisina.”
^ Yovo “Yambula moyo ame wasanisina.”
^ Yovo “ziami.”
^ Mvovo wa sina: “E fulu kiau ke kizayakene diaka ko.”
^ Yovo “wa mvu ya mvu.”
^ Mvovo wa sina: “wila nding’andi.”
^ Yovo “Muna fulu ya kimfumu kiandi.”
