Nkunga 49:1-20
Kuna kwa ntwadisi a nkunga. Nkung’a wan’a Kora.+
49 Nuwá diambu diadi, yeno nkangu miawonso.
Nutamba matu, yeno nkangu miawonso mia nza,
2 Andwelo ye anene,Mvuama ye asukami.
3 O nu’ame uvova mambu ma ngangu,E mbadika za ntim’ame+ zisonga umbakuzi.
4 Itamba matu muna ngana;Itela kingana kiame muna kokolo.
5 Mu nkia kuma mfwete mwena wonga muna lumbu yampasi,+Avo mbi y’awana bazolele kumbwisa inzungidi?
6 Awana bebundanga e vuvu muna kimvuama kiau+Yo kuyisanina muna ulolo wa kimvuama kiau,+
7 Ke mosi ko muna yau olenda kûla mpangi andiNgatu vana lukûlu kwa Nzambi mu kuma kia mpangi andi,+
8 (E ntalu a lukûlu lwa moyo andi isundidi kikiluKe balendi yo futa ko yakwele mvu);
9 Kimana kazinga mvu ya mvu, lembi mona wulu.*+
10 O muntu omwene vo akwa ngangu nkutu fwa befwanga;
O zowa ye tunga kumosi bevidila,+Yo sisa kimvuama kiau kw’akaka.+
11 Kuna nsi au a mbundu, bazolele vo e nzo zau zakala kaka yakwele mvu,E saba yau, ya tandu ke tandu.
Balukidi lekwa yau e nkumbu zau.
12 Kansi, kana nkutu o muntu ozitiswanga, ke kwamanana zinga ko;+Kasundidi mfunu ko e bulu ina ifwanga.+
13 Eyayi i nzil’a mazowa+Ye awana bekubalandanga, ana beyangalelanga mvovo miau miakondwa o mfunu. (Sela)
14 Bakubikilu e Ziami* nze mameme.
O lufwa lukubavungula;Ansongi bekubayala+ muna mene-mene.
Yau awonso bevila emvimba;+E nzo au i Ziami,*+ ke lûmbu ko.+
15 Kansi, Nzambi okûla moyo ame muna nkum’a* Ziami,*+Kadi okuntanina. (Sela)
16 Kumoni wonga ko avo muntu ovueme,Avo nkembo a nzo andi ukulamene,
17 Kadi vava kefwa kenata lekwa ko;+O nkembo andi ke ukulumuka yandi ko.+
18 Kadi muna zingu kiandi, okuyisanisinanga.+
(Avo mavua maku mawokele, wantu bekusanisina.)+
19 Kansi, kuna mfoko oyikamene mbandu a mase mandi.
Ke balenda mona diaka ntemo ko.
20 O muntu ona olembi bakula diambu diadi, kana nkutu ozitiswanga,+Kasundidi mfunu ko e bulu ina ifwanga.
Mvovo vana yand'a lukaya
^ Yovo “ziami.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Mvovo wa sina: “koko kwa.”
^ Yovo “Seol,” i sia vo, ziami kia wantu awonso. Tala Nsas’a Mvovo.
