Nkunga 21:1-13
Kuna kwa ntwadisi a nkunga. Nkung’a Davidi.
21 E Yave, o ntinu muna ngolo zaku kemwenanga e kiese;+Ekwe kiese kemonanga muna mavangu maku ma luvuluzu!+
2 Olungisi luzolo lwa ntim’andi,+Kunyimini ndomba za befo yandi ko. (Sela)
3 Kadi wele kunkika ye ulolo wa nsambu;Umvuikidi kolowa kia wolo wakenzwa vana ntu andi.+
4 Ulombele moyo, umvene wo,+Zingu kiandá,* kia mvu ya mvu.
5 E mavangu maku ma luvuluzu mantwasidi nkembo anene.+
Umvene zitu yo nkembo.
6 Unsambwidi yakwele mvu;+Unzadisi ye kiese vana ndose aku.+
7 Kadi o ntinu obundanga Yave e vuvu;+Muna kuma kia walakazi wa Mpungu-nene, kalendi nikunua ko.*+
8 O koko kwaku kusolola mbeni zaku zawonso;O koko kwaku kwalunene kusolola awana bekumenganga.
9 Okubakitula se fûlu dia tiya twanyuyi vava okubasia sungididi muna ntangwa yasikidiswa.
Yave okubamina muna makasi mandi, o tiya tukubabomona.+
10 Ofwasa mbongo au ova ntoto,Ye kanda diau muna wan’a wantu.
11 Kadi bakanini kuvanga e mbi;+Makani mau mambi, ke mesikila ko.+
12 Kadi okubatinisa+Vava ovakika nzanza zaku muna nsinga muna kubanonga.*
13 Telama, e Yave, muna ngolo zaku.
Tuyimbidila nkum’aku e nkunga.
Mvovo vana yand'a lukaya
^ Mvovo wa sina: “Nlambuku a lumbu.”
^ Yovo “kalendi bwa ko.”
^ Mvovo wa sina: “vana ndose au.”
