Nkunga 65:1-13

  • Nzambi olunga-lunganga ntoto

    • “E ngeye Owanga e sambu” (2)

    • “Kiese kwa muntu ona osolele” (4)

    • O wete wa Nzambi wayingi (11)

Kuna kwa ntwadisi a nkunga. Nkung’a Davidi. Nkunga. 65  O nkembo ukuvingilanga muna Zione,+ e Nzambi;Lungisa tulungisa o nsilu una twàsila.+   E ngeye Owanga e sambu, o wantu a mpila zawonso kwa ngeye bekwiza.+   O bi wame unkosomwene,+Kansi ngeye ofukidi masumu meto.+   Kiese kwa muntu ona osolele yo kuntwasa oku winaKakala muna yanzala yaku.+ Tuyukuta muna wete wa nzo aku,+Muna tempelo aku avauka.* +   Okutuvutulwila muna mavangu maku mansongi, masivi,+E Nzambi a luvuluzu lweto; Ngeye i vuvu kia wantu awonso yakuna nsuk’a nza+Ye awana bena kwandá muna makumu ma kalunga.   Ngeye* wasikidisa miongo muna nkum’aku;Ovuete* nkuma.+   Ngeye* okululanga e nkumba za kalunga,+Ye nkumb’a mavuku mandi ye nkindu za zula.+   E nkangu mikalanga muna fulu ina kwandá bezakama muna sinsu yandi;+Oyambula vo bayengoloka ye kiese tuka kuna mpaikilu a ntangwa yakuna ndimuk’a ntangwa.   Olunga-lunganga ntoto,Oyimisanga wo mbongo* yo vuamisa wo.+ Nkoko a Nzambi ufulukidi ye maza,Ngeye okubavananga masa,+Kadi i una wakubikila o ntoto. 10  Ozadisanga mvuila miandi yo lelamesa o ntoto andi wavatwa;Oyoyesanga ntoto muna mvula zayingi; yo sambula e mbongo andi.+ 11  Ovuikidi o mvu ye kolow’a wete waku;E nzila zaku zizele yo ulolo wa madia.*+ 12  O madilu ma nzanza mazele,+E kundubulu ivuete kiese.+ 13  O madilu mafukilu yo makambi,E ndimba mivuete masa.+ Bebokanga mbok’a nsundidi, elo, yimbila beyimbila.+

Mvovo vana yand'a lukaya

Yovo “nzo aku avauka.”
Mvovo wa sina: “Yandi.”
Mvovo wa sina: “Yandi ovuete.”
Mvovo wa sina: “Yandi.”
Mvovo wa sina: “Owokeselanga wo.”
Mvovo wa sina: “zisonsanga mazi.”