Nkunga 62:1-12
Kuna kwa ntwadisi a nkunga; wa Yedutune.* Nkung’a Davidi.
62 Kieleka, kwa Nzambi kaka ivingilang’e pi-i.
O luvuluzu lwame kwa yandi lutuka.+
2 Yandi i tadi diame ye luvuluzu lwame, tininu diame diasikila;*+Kisinga nikunua nkutu ko.+
3 Yamu nkia kolo nunuanisa muntu muna kumvonda?+
Yeno awonso nu akwa nsoki nze yaka kiabendalala, nze yaka se kiwulumuka.*
4 Kadi bavuende mfulu kimana bambwisa vana fulu kiandi kiazanguka;*Beyangalelanga vuna.
Muna nua miau besambulanga, kansi muna nsi a ntima miau besibanga.+ (Sela)
5 Kieleka, kwa Nzambi kaka ivingilang’e pi-i.+
Kadi e vuvu kiame muna yandi kitukanga.+
6 Yandi i tadi diame ye luvuluzu lwame, tininu diame diasikila;
Kisinga nikunua nkutu ko.+
7 Muna Nzambi i mwina luvuluzu lwame yo nkembo ame.
Nzambi i tadi diame diangolo ye tininu diame.+
8 E nkangu, numbunda e vuvu ntangwa zawonso.
Nuziula e ntima mieno kwa yandi.+
Nzambi i tininu dieto.+ (Sela)
9 O wan’a wantu mwaya kwandi,Wan’a wantu vavala kwandi.+
Avo basilu kumosi vana balanza, balutidi vevoka ke mu mwaya ko.+
10 Kusie vuvu muna salu kia kutumuna lekwa yangani koNgatu bunda e vuvu kiampavala muna wivi.
Avo kimvuama kiaku kiwokele, kusie kio ntima ko.+
11 Nzambi ovovele nkumbu mosi, edi ngwidi nkumbu miole:
O nkuma wa Nzambi.+
12 O walakazi mpe i waku, e Yave,+Kadi ovutulwila konso muntu mun’owu wa mavangu mandi.+
Mvovo vana yand'a lukaya
^ Tala Nsas’a Mvovo.
^ Yovo “diazanguka.”
^ Nanga, “Yeno awonso, vika sia vo oyandi una nze yaka kibwanga, yaka kia matadi se kibwa.”
^ Yovo “muna zitu wandi.”
