Nkunga 16:1-11
Mikitame* kia Davidi.
16 Untanina, e Nzambi, kadi muna ngeye ntinini.+
2 Mpovele kwa Yave vo: “Nge u Yave, Nto a mawete mame.
3 Avauki bena ova nza,Akwa tunda, kiese kiayingi bekuntwasilanga.”+
4 Ana bevavanga nzambi zankaka ntantu bekuyiwokeselanga.+
Kisinga kubakelela tukau twa menga ko,Ngatu yayika e nkumbu zau mu befo yame.+
5 Yave i kunku kiame+ ye mbungwa ame.+
Ngeye i ntanini a vua diame.
6 Ngiangalele e mingilu mia zunga kiame.
Elo, ngiangalele e vua diame.+
7 Ikembelela Yave, ona okundonganga.+
Kana nkutu muna fuku, e nsi ame a mbundu* ikunsingikanga.+
8 Nsidi Yave ova ndose ame ntangwa zawonso.+
Wau vo wina oku koko kwame kwalunene, kinikunua ko.*+
9 Dianu vo ntim’ame uyangalele, e kiwuntu kiame kiawonso* kimwene kiese.
Mu luvuvamu ngina.*
10 Kadi kukunsisa* muna Ziami* ko.+
Kuyambula ko vo munkwikizi aku kamona e wulu.*+
11 Unsongele nzil’a moyo.+
Kiese kiayingi kina vana ndose aku;+Kiese kina kuna koko kwaku kwalunene, yakwele mvu.
Mvovo vana yand'a lukaya
^ Tala Nsas’a Mvovo.
^ Yovo “ngindu za nsi ame a mbundu.” Mvovo wa sina: “nguba zame.”
^ Yovo “kibwiswa ko.”
^ Mvovo wa sina: “nkembo ame.”
^ Yovo “E nitu ame mu luvuvamu ina.”
^ Mvovo wa sina: “kusisa moyo ame.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Nanga, “kamona uwolezia.”
