Nkunga 63:1-11
Nkung’a Davidi, vava kakala muna makanga ma Yuda.+
63 E Nzambi, ngeye u Nzambi ame, yakinu kuvava.+
Ikulakukilanga moyo.+
Ngioyele mu kuma kia tima diakuMuna nsi ayuma ye makanga, yakondwa maza.+
2 Ozevo, itadidi muna nzo aku avauka;Mbwene nkuma ye nkembo aku.+
3 O walakazi waku usundidi moyo o wete,+Muna kuma kiaki, e befo yame ikukembelela.+
4 I dianu vo ikukembelela muna zingu kiame kiawonso;Izangula moko muna diambu dia nkumbu aku.
5 Ngiukwiti ye kunku kisundidi o wete, kiatoma solwa,*Dianu vo nu’ame ukukembelela ye befo yakiese.+
6 Ikuyindula avo ndavalele vana mfulu ame;Ikuyindula muna ngingila za fuku.+
7 Kadi ngeye u nsadisi ame,+Muna kini* kia mave maku, iyengoloka ye kiese.+
8 Itatididi;*O koko kwaku kwalunene kunsimbinini.+
9 Kansi awana bevavanga fwasa moyo ameKulumuka bekulumuka muna nsi a ntoto.
10 Beyekolwa muna nkum’a nsosolo;Bekituka se madia ma mbulu.*
11 Kansi ntinu oyangalala muna Nzambi.
Awonso bedila e ndofi muna Nzambi beyangalala,*Kadi e nua mia awana bevovanga luvunu kakwa mikakwa.
Mvovo vana yand'a lukaya
^ Mvovo wa sina: “kina yo nluku yo mazi.”
^ Yovo “ninga.”
^ Yovo “Moyo ame utatididi.”
^ Yovo “mfwenge.”
^ Yovo “bekuyisana.”
