Nkunga 42:1-11
Kuna kwa ntwadisi a nkunga. Maskile* ma wan’a Kora.+
42 Nze nkayi una ye vuina dia maza,Ngina* ye tima diaku, e Nzambi.
2 Nze muntu una ye vuina dia maza, nsatu za Nzambi kikilu ngina zau, wa Nzambi amoyo.+
Nkia ntangwa ikwenda yo moneka vana ndose a Nzambi?+
3 E mansanga mame i madia mame fuku yo mwini;E lumbu kiamvimba wantu bekunsakanenanga vo: “O Nzambi aku akweyi kena?”+
4 Nsungamene mambu mama, mpongwele o moyo* ame,Kadi yakangalanga ye ndonga;Yakangalanga malembe-malembe kuna ntwal’auyakuna nzo a Nzambi,Yo yengoloka ye kiese yo vutula matondo,Vana vena ndonga yakembelelanga nkinzi.+
5 Ekuma ndimbulwidi e vuvu?+
Ekuma ntim’ame uyangamene?
Isia Nzambi e vuvu,+Kadi ikunkembelela kadi u Mvuluzi ame Anene.+
6 E Nzambi ame, e vuvu kiame kidimbukidi.+
I kuma iyindulwidi,+Tuka muna nsi a Yodani yakuna mongo a Keremone,Kuna Mongo a Miza.*
7 O maza masina mabokele maza masinaMuna mazu ma makululuka maku.
O mavuku maku mampwena mansundidi.+
8 Muna mwini Yave okunsonga walakazi wandi,Muna fuku o nkung’andi ukala yame—sambu kwa Nzambi ona wampana moyo.+
9 Ivova kwa Nzambi wa tadi diame vo:
“Ekuma umvilakene?+
Ekuma mfwete kangalela kuna lukendalalu muna diambu dia lubangamu lwa mbeni ame?”+
10 Ye kimpala* e mbeni zame bekunsakanenanga;E lumbu kiamvimba bekunsakanenanga vo: “O Nzambi aku akweyi kena?”+
11 Ekuma ndimbulwidi e vuvu?
Ekuma ntim’ame uyangamene?
Isia Nzambi e vuvu,+Kadi ikunkembelela se Mvuluzi ame Anene.+
Mvovo vana yand'a lukaya
^ Tala Nsas’a Mvovo.
^ Yovo “Moyo ame una.”
^ Tala Nsasa Mvovo.
^ Yovo “mongo wandwelo.”
^ Nanga, “Wau bakosomwene visi yame.”
