Nkunga 98:1-9
-
Yave, Mvuluzi ye Mfundisi ansongi
-
Mpuluz’a Yave izayakene (2, 3)
-
Nkunga.
98 Nuyimbidila Yave nkung’ampa,+Kadi masivi kavangidi.+
Koko kwandi kwalunene, o koko kwandi kwavauka, kutwese luvuluzu.*+
2 Yave osamwini e mpuluz’andi;+Osengomwene unsongi wandi muna zula.+
3 Oyindwidi walakazi wandi ye ziku kuna kwa nzo a Isaele.+
E nsuka zawonso za nza zimwene mpuluz’a Nzambi eto.*+
4 Nukembelela Yave, e nza yawonso.
Nuyangalala, nuyengoloka ye kiese yo yimbila.+
5 Nuyimbidila Yave muna kokolo,Muna kokolo ye nkunga ambote.
6 Muna tulumbeta ye zú dia mpungi,+Nuyengoloka ye kiese vana vena o Ntinu, Yave.
7 Yambula kalunga kwatalumuka ye yawonso ina mo,O ntoto* ye awonso bezingilanga mo.
8 Yambula nkoko miasika makonzo;Yambula miongo miayengoloka kumosi ye kiese+
9 Vana ndose a Yave, kadi kwiza kekwiza* kafundisa e nza.
Ofundisila e nza* yawonso muna unsongi+Yo nkangu muna ziku.+
Mvovo vana yand'a lukaya
^ Yovo “kuntwasidi e nsundidi.”
^ Yovo “nsundidi a Nzambi eto.”
^ Yovo “ntoto uyimanga e mbongo.”
^ Yovo “olweke.”
^ Yovo “ntoto uyimanga e mbongo.”
