Nkunga 83:1-18
Nkunga. Nkung’a Asafi.+
83 E Nzambi, kukadi pi-i ko;+Kudingalala ko ngatu vuena, e Nzambi.
2 Tala, e mbeni zaku mu nkinda-nkinda bena,+Awana bekumenganga basongele lulendo.*
3 Kuna umpuki wawonso, bakanini nkangu aku makani mambi kuna kinsweki;Bavuandidi ana ozolanga* e mfulu.
4 Bavovele vo: “Nuiza, twafukisa e zula kia Isaele,+Kimana nkumbu au yavilakanua emvimba.”
5 Bakanini e mbi entwadi;*Bakangidi e kangu muna kunuanisa+—
6 E saba ya Edome, Yisemaele, Moabe+ ye Akangere,+
7 Ngebale, Amone,+ Amaleke,Felesetia+ ye esi Turo.+
8 Asuri+ mpe babayikemene;Basadisi* wan’a Loti.+ (Sela)
9 Ubavanga wauna wavanga kwa Midiani,+Ubavanga wauna wavanga kwa Sisera yo Yabini kuna nkoko a Kisone.+
10 Bafukiswa kuna Ene-dore.+
Bakitukidi se mbole mu kuma kia ntoto.
11 Vanga kw’azitu au wauna wavanga kwa Orebe yo Zebe+Vanga kw’afidi au wauna wavanga kwa Zeba yo Salemuna,+
12 Kadi bavovele vo: “Yambula twavua nsi ina kezingilanga Nzambi.”
13 E Nzambi ame, ubakitula nze nianga zayuma zineto kwa kimbongela.+
Nze titi ineto kwa tembwa.
14 Nze tiya tuyokele mfinda,Nze nlaku a tiya uyokele miongo,+
15 Ubalakamena muna kimbongela kiaku+Ubazakamesa muna tembwa kiaku kiangolo.+
16 Zadisa e ndose zau yo luvezo,Kimana bavava e nkumbu aku, e Yave.
17 Yambula bafusuka e nsoni yo zakameswa yakwele mvu;Yambula bavezwa yo vila;
18 Yambula o wantu bazaya wo vo, ngeye una ye nkumbu Yave,+Nge kaka i Mpungu-nene omu nza yawonso.+
Mvovo vana yand'a lukaya
^ Yovo “bazangwidi o ntu.”
^ Mvovo wa sina: “aswekami aku.”
^ Mvovo wa sina: “Bavangidi mfulu a ntima mosi.”
^ Mvovo wa sina: “Bakitukidi se koko kwa.”
