Nkunga 140:1-13
Kuna kwa ntwadisi a nkunga. Nkung’a Davidi.
140 E Yave, umpuluza vana moko ma yimpumbulu;Untanina muna akwa nsoki,+
2 Ana bekananga e mbi muna ntima miau+Yo yangumuna e nkindu lumbu kiamvimba.
3 Balengele tubini nze nioka;+E mvovo miau miampondi nze mang’a mpidi.+ (Sela)
4 E Yave, untanina vana moko ma yimpumbulu;+Undunga-lunga muna akwa nsoki,Ana bekundekelanga sokolo.
5 Akwa umvuania bandekele ntambu;Yo nsinga, bayadidi e konde vana ndambu a nzila.+
Bandekele masokolo.+ (Sela)
6 Mpovele kwa Yave vo: “U Nzambi ame.
E Yave, tamba o matu muna ndodokela zame.”+
7 E Mfumu Yave, wa Mvuluzi ame angolo,Ngeye otaninanga ntu ame muna lumbu kia vita.+
8 E Yave, kulungisa luzolo lwa yimpumbulu ko.
Kuyambula ko vo makani mau mambi masikila, kimana balembi kuyitundidika.+ (Sela)
9 Yambula e ntu mia awana banzungidiMiafukwa muna mpova zambi za tubini twau.+
10 Yambula makala matiya mabasotokela.+
Batubwa vana tiya,Muna mawulu makoboka,*+ ke batomboki diaka ko.
11 Yambula o nkumbi kalembi solola fulu va ntoto.*+
Yambula o bi walakama akwa nsoki yo kubafwasa.
12 Nzeye wo vo Yave otanina nlembami,Ozenga diambu dia nsukami muna unsongi.+
13 Ansongi bevana matondo muna nkumbu aku;Akwa ziku bekala vana ndose aku.*+
