Nkunga 58:1-11
-
Vena yo Nzambi ona ofundisanga e nza
-
Osambidi muna tumba yimpumbulu (6-8)
-
Kuna kwa ntwadisi a nkunga; muna nkunga, “Kutwasi Lufwasu ko.” Nkung’a Davidi. Mikitame.*
58 Nga nulenda vova mambu mansongi wau nubutamene?+
Nga nulenda fundisila kuna unsongi, yeno wan’a wantu?+
2 Kadi nukananga vanga vilwa muna ntima mieno,+O moko meno mesayanesanga nsoki muna nsi.+
3 E yimpumbulu bebendomokanga tuka muna luwutuku;*Akolami ye akwa luvunu tuka muna vumu.
4 E manga miau mina nze manga mia nioka;+Bafwa matu nze mpidi ikakidi matu.
5 Ke iwila ndinga z’alemvodi a nioka ko,Kana nkutu bavuidi ngangu zayingi za kubasakanesa.
6 E Nzambi, wula meno ma nua miau!
E Yave, wula matokolo ma nkosi* zazi!
7 Yambula balala nze maza mayumini.
Yambula Nzambi kafumbika mfumb’andi, kababwisila muna maswanga mandi.
8 Yambula bakala nze nkodi a mbete se ifwa* muna nzila;Nze mwana osulukidi ona ke mona ntangwa ko.
9 E yinzu yeno una ke yabakidi tiya twa mvanga ko,Nzambi onata tayi ya nkunzu ye ina ilemanga, nze tembwa kiangolo.+
10 O nsongi omona kiese vava kemona yimpumbulu belandwa e kunda;+Osukulwila malu mandi muna menga ma yimpumbulu.+
11 I bosi wantu bevova vo: “Kieleka, vena yo nsendo kwa muntu ansongi.+
Vena kikilu yo Nzambi ofundisanga e nza.”+
Mvovo vana yand'a lukaya
^ Tala Nsas’a Mvovo.
^ Mvovo wa sina: “tuka muna vumu.”
^ Yovo “wan’a nkosi.”
^ Mvovo wa sina: “ilalanga.”
