Nkunga 22:1-31
Kuna kwa ntwadisi a nkunga; muna ngimbil’a “Nkayi a Mene.”* Nkung’a Davidi.
22 E Nzambi ame, e Nzambi ame, ekuma ungiambulwidi?+
Ekuma olembi kwiza kumpuluzila?
Ekuma olembele wila kazu kia mpasi zame?+
2 E Nzambi ame, muna mwini mbokele, kansi kuvutwidi ko;+Muna fuku kibutamene ko.
3 Ongeye wavauka,+Isaele yawonso ikukembelelanga.
4 Mase meto kwa ngeye babundanga e vuvu;+Babunda e vuvu, ngeye wabavuluza.+
5 Kwa ngeye bakazanga, bavuluzwanga;Kwa ngeye babunda e vuvu, ke bafusuka nsoni ko.+
6 Kansi mono i mumvidi, ki muntu ko,Ntiangwinu* kwa wantu yo vezwa kwa nkangu.+
7 Awonso bambwene, bamvezele;+Bansevele yo nikuna ntu miau kuna luvezo:+
8 “Obundidi Yave e vuvu. Yambula kankûla!
Yambula kamvuluza, avo otoma kunzolanga!”+
9 Ngeye wampaikisa muna vumu,+Ngeye wantanina vana ntulu za ngudi ame.
10 Vana moko maku yayekekwa* tuka yawutukila;Tuka muna vumu kia ngudi ame, ngeye u Nzambi ame.
11 Kumpavuki ko, kadi mpasi zifinamene+Kina ye nsadisi ankaka ko.+
12 Ngombe zayingi za makoko zinzietele;+Ngombe zangolo za Basani zinzungidi.+
13 Banziulwidi o nua,+Nga nkosi ankwiti otiazunanga e mbizi.+
14 Ntiamwinu nze maza;E visi yame yawonso ivambane muna mayikilu.
O ntim’ame ukitukidi nze sasala ya wiki;+Uzezele mu mono.+
15 E ngolo zame ziyumini nze vasi kia kinzu kia tûma;+Lulaka lwame lulaminini muna mfingini ame;+Unkulumwini muna wulu kimana yafwa.+
16 Kadi e mbwa zinzietele;+Zinzietele nze buka kia yimpumbulu,+Bantatikidi muna moko ye malu nze nkosi.+
17 Ndenda tanga visi yame yawonso.+
E mbeni zame bekuntalanga yo kuntungununa.
18 Bakayane mvuatu miame,Batelele kinkutu kiame nkas’a mienze.+
19 Vo i ngeye, e Yave, kukadi kwandá ko.+
Ngeye i ngolo zame; wiza nswalu wansadisa.+
20 Umpuluza* muna nsosolo,Vuluza moyo ame wantalu muna ngolo za* mbwa;+
21 Umpuluza muna nu’a nkosi+ ye muna mpoka za mpakasa;Umpana e mvutu yo kumpuluza.
22 Samuna isamuna nkumbu aku kwa mpangi zame;+Ikukembelela muna nkutakani.+
23 Oyeno nuvuminanga Yave, nunkembelela!
Yeno awonso mbongo a Yakobo, nunkembela!+
Nunzitisa, yeno awonso mbongo a Isaele.
24 Kadi kavezele mpasi za mumbona-mpasi ko ngatu vakulwila zo nkalu;+Kanswekele ndose andi ko.+
Vava kankazidi, owidi.+
25 Ikukembelela muna nkutakani anene;+Lungisa ilungisa e nsilu miame vana vena awana bekumvuminanga.
26 Alembami bedia yo yukuta;+Awana betombanga Yave bekunkembelela.+
Yambula nuazinga* yakwele mvu.
27 E nsuka zawonso za nza zisungamena yo vutuka kwa Yave.
Makanda mawonso ma zula mefukama vana ndose andi.+
28 Kadi e kimfumu kia Yave;+Yandi oyalanga e zula.
29 Mvuama zawonso za* nza bedia yo vumbama;Awonso bekulumukanga muna ntoto befukama vana kena;Ke mosi ko olenda vuluza moyo andi.
30 E mbongo au ikunsadila;E mbandu ikwiza, bezayiswa oma ma Yave.
31 Bekwiza yo zingula unsongi wandi.
Besamuna mana kevanganga kwa nkangu usinga uwutuka.
Mvovo vana yand'a lukaya
^ Nanga zú yovo mpil’a nkunga.
^ Yovo “I nsoni.”
^ Mvovo wa sina: “Kwa ngeye yayekekwa.”
^ Yovo “Vuluza moyo ame.”
^ Mvovo wa sina: “vana kandazi ya.”
^ Mvovo wa sina: “ntima mieno miazinga.”
^ Mvovo wa sina: “Wantu awonso anene ova.”
