Nkunga 35:1-28
Nkung’a Davidi.
35 E Yave, umpovela muna mfundu ngina wau ye mbeni zame;+Nuanisa awana bekundwanisanga.+
2 Bonga ngubu aku yakete* ye ngubu yampwena,+Telama wantanina.+
3 Zangula dionga diaku ye soka dia vita* wanuanisa awana bandakamene.+
Umpovesa vo: “Mono i luvuluzu lwaku.”+
4 Awana bevavanga moyo ame, yambula bafusuka e nsoni yo kululwa.+
Yambula batina ye nsoni awana bakanini kumfwasa.
5 Yambula bakala nze vevele ivevomweno kwa tembwa;Yambula mbasi a Yave kabayinga.+
6 E nzil’au yakala tombe yo nleloVava mbasi a Yave kekubalakama.
7 Kadi bandekele konde kuna kinsweki kondwa kuma, kimana bambaka;Bantimunuini* e wulu kondwa kuma.
8 Yambula lufwasu lwabalwakila kuna kinsalukisa;Yambula e konde dina bandekele diababaka;Yambula babwa mo yo fwasakana.+
9 Vo i mono iyangalela* muna Yave;Iyangalela mavangu mandi ma luvuluzu.
10 E visi yame yawonso ivova vo:
“E Yave, nani ofwanane yaku?
Ovuluzanga munkondwa nsadisi vana moko m’akwa ngolo,+O munkondwa nsadisi ye nsukami vana moko m’awana bekubayiyanga.”+
11 E mbangi za nsoki zitelamene,+Bangiuvuidi mambu mana kizeye ko.
12 Bamvutulwidi e mbi muna wete,+Muna kunkendeleka.*
13 Kansi vava bayela, yavuata ngoto;Yakimwesa mpasi* muna fionkonona,*Ye vava sambu yame ke yavaninuanga mvutu ko,*
14 Yakangalanga yo dila, nze mono yadilanga nkundi yovo mpangi ame;Yavumbamanga ye nkenda nze muntu ofwidilu ngudi andi.
15 Kansi, vava ntele sakuba, bayangalele yo kutakana vamosi;Balungalakene kimana bandwanisa vana fulu banswekamene;Bantiazwini, ke babutamene ko.
16 Yimpumbulu bantiangwini,*Bankwetesele meno.+
17 E Yave, yamu nkia kolo otungununa kaka?+
Unkûla* muna lufwasu lwau,+Vuluza moyo ame wantalu vana kandazi ya wan’a nkosi.*+
18 Ozevo, ikuvana matondo muna nkutakani anene;+Ikukembelela vana vena nkangu miayingi.
19 Kuyambula ko vo awana bekunsianga kitantu nkatu-nkatu bamwena mpasi zame e kiese;Kuyambula ko vo awana bambengene kondwa kuma+ bandayila meso kuna luvezo.+
20 Kadi ke bevovanga mambu ma luvuvamu ko,Kansi kuna umpuki, besokanga makani mambi mu kuma kia akwa luvuvamu bena ova nza.+
21 Baziwidi e nua miau muna kumfunda,Bavovele vo: “Ah! Ah! Meso meto mamwene wo.”
22 Ongeye omwene wo, e Yave. Kubutama ko.+
E Yave, kumpavuki ko.+
23 Sikama, nza kuntanina,E Yave wa Nzambi ame, umpovela muna mfundu ame.
24 E Yave wa Nzambi ame, umfundisa mun’owu wa unsongi wame;+Kuyambula ko vo bamwena mpasi zame e kiese.
25 Kuyambula ko bavova vo: “Ah, i diau twazolele.”*
Kuyambula ko bavova vo: “Tumìnini.”+
26 Yambula awonso bafusuka e nsoni yo kululwa,Awana bamwenene mpasi zame e kiese.
Awana bekadilanga yame kuna umvuania, yambula bavuata nsoni ye luvezo.
27 Kansi, ana beyangalelanga e ziku kiame yambula bayengoloka ye kiese;Yambula bakwamanana vova vo:
“Yambula Yave katundidikwa, ona oyangalelanga luvuvamu lwa selo yandi.”+
28 O lubinu lwame luvovela* unsongi waku+Yo kukembelela lumbu ke lumbu.+
Mvovo vana yand'a lukaya
^ Ngubu yakete yasadilwanga kwa akwa mfumba.
^ Yovo “sengele kia meno mole.”
^ Yovo “Batimini moyo ame.”
^ Yovo “moyo ame uyangalela.”
^ Yovo “Muna kendeleka moyo ame.”
^ Yovo “yavutukanga muna ntulu ame.”
^ Yovo “mina nsoki.”
^ Yovo “Yamwesa moyo ame e mpasi.”
^ Nanga, “yimpumbulu batiangwini mu kuma kia mbolo.”
^ Yovo “Kûla moyo ame.”
^ Yovo “mwan’a nkosi a mika miayingi muna nsingu.”
^ Yovo “Ee! mioyo mieto.”
^ Yovo “luyindula.”
