Nkunga 148:1-14
148 Nukembelela YA!*
Nukembelela Yave tuka kuna zulu;+Nunkembelela muna kayengele.
2 Nunkembelela, e mbasi zandi zawonso.+
Nunkembelela, e vu yandi yawonso.+
3 Nunkembelela, e ntangwa ye ngonde.
Nunkembelela, e ntetembwa zawonso zankezimi.+
4 Nunkembelela, e zulu diazanguka*Yo maza mena vana ntandu a zulu.
5 Yambula bakembelela e nkumbu a Yave,Kadi yandi wakanikina, i bosi ivangamene.+
6 Wasikidisa yo yamu mvu ya mvu;+Wavana nsiku ke ulendi vioka ko.+
7 Nukembelela Yave ova nza,E mbizi zanene za kalunga yo maza mawonso masina,
8 E nsemo ye mvul’a matadi, mvul’ampembe yo matuti,E tembwa yangolo, nulunganisanga diambu diandi,+
9 E miongo ye kundubulu yawonso,+E nti miyimanga e bundu ye nsedele miawonso,+
10 E mbizi za mfuta+ ye twelezi yawonso,E vangwa iyatatanga ye nuni,
11 E yeno atinu a nza ye zula yawonso,E yeno akuluntu ye afundisi awonso a nza,+
12 E yeno matoko ye ndumba,*Yeno ambuta ye aleke kumosi.
13 Yambula bakembelela e nkumbu a Yave,Kadi nkumbu andi kaka yatunda.+
O zitu wandi una va ntoto ye kuna zulu.+
14 Otundidika ngolo* za nkangu andi,Muna nkembo a minkwikizi miandi,Wan’a Isaele, i nkangu umfinamene.
Nukembelela YA!*
Mvovo vana yand'a lukaya
^ Yovo “Aleluya!” E “YA” i mpila yankufi ya yikila e nkumbu Yave.
^ Mvovo wa sina: “e zulu dia mazulu.”
^ Mvovo wa sina: “mienze.”
^ Mvovo wa sina: “mpoka.”
^ Yovo “Aleluya!” E “YA” i mpila yankufi ya yikila e nkumbu Yave.
