Nkunga 41:1-13
Kuna kwa ntwadisi a nkunga. Nkung’a Davidi.
41 Nkwa kiese muntu osadisanga nsukami;+Yave okumvuluza muna lumbu kia mpasi.
2 Yave okuntanina yo lunda moyo andi.
Oyikilwa vo nkwa kiese ova ntoto;+
Kuyambula ko vo kabwa vana moko ma* mbeni zandi.+
3 Yave okunsadisa vana mfulu andi a yela;+Muna kolo kia mayela mandi osoba emvimba mfulu andi.
4 Kadi yavova vo: “E Yave, umfwil’e nkenda.+
Unsasula,*+ kadi ngeye nsumukini.”+
5 Kansi, e mbeni zame bampovele e mbi:
“Nkia ntangwa kefwa, e nkumbu andi yavila?”
6 Avo mosi vana bena wizidi kuntala, ntim’andi luvunu kaka uvova.
Mambu mambi kaka kevava muna vova;Vava kavaikidi kuna mbazi osamwini mo.
7 Awonso ana bambengene, bewunininanga muntu yo nkwandi;Bekunsokelanga mambu mambi:
8 “Vonza kimbwididi;Wau kalavalele, ke telama diaka ko.”+
9 Kana nkutu muntu ona wakalanga yame kuna luvuvamu, ona yabundanga e vuvu,+Ona wadianga yame,* okitukidi se mbeni ame.*+
10 Vo i ngeye, e Yave, umfwila e nkenda, untelamesa,Kimana yabavutula dina bavangidi.
11 Muna mpila yayi izayila vo ungiangalele:
Avo mbeni ame kansundidi ko.+
12 Ongeye okunsadisanga mu kuma kia ziku kiame;+Okungiambula yakala vana ndose aku yakwele mvu.+
13 Yambula Yave wa Nzambi a Isaele kakembelelwa,Yamu mvu ya mvu.*+
Amen, Amen.
Mvovo vana yand'a lukaya
^ Yovo “muna zolela ya.”
^ Yovo “Sasula moyo ame.”
^ Mvovo wa sina: “mbolo ame.”
^ Mvovo wa sina: “unzangulwidi bombo kia kulu.”
^ Yovo “yakwele mvu.”
