Nkunga 64:1-10

  • Taninua mu kuma ki’awana bamvuandidi e mfulu kuna kinsweki

    • “Nzambi okubanonga” (7)

Kuna kwa ntwadisi a nkunga. Nkung’a Davidi. 64  E Nzambi, wá nding’ame, avo idodokele.+ Tanina moyo ame muna vita zampasi za mbeni zame.  2  Untanina muna yimpumbulu bamvuandidi e mfulu kuna nsweki,+Muna ndonga ya mimpanga mambi.  3  Balengele tubini twau nze nsosolo;Batubidi mvovo miambi nze maswanga,  4  Muna maswekameno mau banongene munkondwa-kuma;Banongene kuna kinsalukisa, yau kebamoni wonga.  5  Batatamene makani mau mambi;*Bavovele una belekela ntambu miau. Bavovele vo: “Nani omona mio?”+  6  Bavavidi ndekwa zampa za vangila mambu mambi;Basokele makani mambi kuna kinsweki;+E ngindu ye ntim’a konso muntu ke ufimpakana ko.  7  Kansi Nzambi okubanonga e nzanza;+Ku kinsalukisa belwekelwa.  8  Tubini twau tukubatwasila lufwasu;+Awonso bemona wo, benikuna ntu miau.  9  Ozevo, wantu awonso bemona wonga,Besamuna mana Nzambi kavangidi, Bebakula mavangu mandi.+ 10  O nsongi omwena kiese muna Yave, otinina kwa yandi;+Awonso akwa ntima miansongi beyangalala.*

Mvovo vana yand'a lukaya

^ Yovo “Bekasakesanga muntu yo nkwandi muna vanga mbi.”
^ Yovo “bekuyisana.”