Nkunga 27:1-14
Nkung’a Davidi.
27 Yave i ntemo ame+ yo luvuluzu lwame.
Nani imwena wonga?+
Yave i swekameno dia moyo ame.+
Nani izakamena?
2 Vava kimpumbulu kikundwanisa, kadia nitu ame,+Mbeni zame ye atantu ame betá sakuba yo bwa.
3 Kana una vo vu kia makesa basikidisi ndo ova ngina,O ntim’ame ke umona wonga ko.+
Kana una vo vita zindwakidi,Ikala kaka ye vuvu.
4 Diambu dimosi ndombele kwa Yave—i diau ivava—Yakala muna nzo a Yave e lumbu yawonso ya zingu kiame,+Yamona wete wa YaveYo yangalela* tempelo andi.*+
5 Kadi muna lumbu kiampasi okunsweka muna tininu diandi;+Okunsweka muna swekameno dia saba kiandi;+Okunsia vana tadi diazanguka.+
6 O ntu ame usundidi zanguka ke mu mbeni zame ko ana banzungidi;Ikelela yimenga muna saba kiandi kuna kiese;Iyimbidila yo kembelela Yave.
7 E Yave, ungwa avo mbokele;+Umfwila e nkenda yo kumvutula.+
8 Muna kuma kiaku, o ntim’ame uvovele vo:
“Vava e ndose ame.”
E ndose aku ivava, e Yave.+
9 Kusweki ndose aku oku ngina ko.+
Kubembola selo kiaku ko muna makasi maku.
Ngeye u nsadisi ame;+Kungiambula ko ngatu kunsisa, e Nzambi a luvuluzu lwame.
10 Kana nkutu se diame yo ngudi ame bambembwele,+Yave okuntambula.+
11 Undongela muna nzil’aku, e Yave,+Undiatisila muna nzil’a unsongi muna kuma kia mbeni zame.
12 Kungiekola kwa mbeni zame ko,*+Kadi mbangi zaluvunu zintelamene,+
Bambangikidi mbangik’a nsoki.
13 Akweyi yadi kala kele vo kikadi yo lukwikilu ko vo,Imona o wete wa Yave muna nsi ya awana bena o moyo?*+
14 Bunda e vuvu muna Yave;+Kala yo unkabu ye kumika o ntima.+
Elo, bunda e vuvu muna Yave.
Mvovo vana yand'a lukaya
^ Yovo “Yatala kuna luyangalalu muna.”
^ Yovo “nzo andi avauka.”
^ Yovo “Kungiekola kwa mioyo mia mbeni zame ko.”
^ Nanga, “Ngina kikilu ye lukwikilu vo imona wete wa Yave muna nsi ya awana bena o moyo.”
