Nkunga 94:1-23
94 E Yave, wa Nzambi a nlandi a kunda,+E Nzambi wa nlandi a kunda, temesa o ntemo!
2 E Mfundisi a nza,+ telama.
Vutula akwa lulendo dina dibafwanukini.+
3 Yamu nkia kolo, e Yave,Yamu nkia kolo e yimpumbulu bekwamanana yangalala?+
4 Bevovanga kuna umvuania;E mimpanga-mambi awonso bekuyisananga.
5 Bakosomwene nkangu aku, e Yave,+Bamwesese e vua diaku e mpasi.
6 Bavondele nkento wafwilwa yakala ye nzenza,Bavondele wan’a nsona.*
7 Bavovele vo: “O YA ke monanga ko;+Nzambi a Yakobo kazeye dio ko.”+
8 Nubakula ediadi, oyeno nuakondwa umbakuzi;E yeno mazowa, nkia ntangwa nukala ye umbakuzi?+
9 Ndiona wavanga* kutu, nga kalendi wá ko e?
Ndiona wavanga disu, nga kalendi mona ko e?+
10 Ndiona osingikanga e zula, nga kalendi tumba ko e?+
Yandi olonganga zayi kwa wantu!+
11 Yave ozeye ngindu za wantu,Ozeye wo vo bena nze mwaya.+
12 Nkwa kiese o muntu ona osingikanga, E YA,+Ona olonganga nsiku aku,+
13 Kimana kavuvama muna lumbu yampasi,Yavana yimpumbulu betiminua e wulu.+
14 Kadi Yave ke yambula nkangu andi ko,+Ngatu bembola e vua diandi.+
15 E nzengo za nsongi zivutuka diaka,Akwa ntima miansongi awonso belanda zo.
16 Nani otelamena yimpumbulu muna diambu diame?
Nani onuanisa mimpanga mambi muna diambu diame?
17 Kele vo Yave kakadi nsadisi ame ko,Fioti kaka fiasala nga yafwa.*+
18 Vava mpovele vo: “Malu mame masielomokene,”O walakazi waku ukwamanene kunsikina, e Yave.+
19 Vava o ntelamw’a moyo* unkosomwene,*Ngeye umfiaulwisi yo kumvuvika.*+
20 Nga kunda kia vilwa kikala* yaku entwadiWau kisokanga nsoki muna nkumbu a nsiku?+
21 Babangikidi nkwa unsongi kuna nsoki wawonso+Yo tumba tumbu kia lufwa kwa munkondwa-kuma.*+
22 Kansi Yave okala se tininu diame diasikila,*E Nzambi ame i tadi diame diatinina.+
23 Okubavutulwila muna mavangu mau mambi.+
Okubafwasa* muna mambi mau.
E Yave wa Nzambi eto okubafwasa.*+
Mvovo vana yand'a lukaya
^ Yovo “minkondwa mase.”
^ Mvovo wa sina: “wakuna.”
^ Mvovo wa sina: “Va fulu kiabutama yadi kala.”
^ Yovo “ntokani.”
^ Yovo “uwokele omu mono.”
^ Yovo “O lufiaulwisu lwaku luvuvikidi moyo ame.”
^ Yovo “ayadi (afundisi) avilwa balenda kala.”
^ Mvovo wa sina: “Yo tumba menga ma munkondwa kuma.”
^ Yovo “diazanguka.”
^ Mvovo wa sina: “Okubakanga o nua.”
^ Mvovo wa sina: “okubakanga o nua.”
