Nkunga 142:1-7
Maskile.* Nkung’a Davidi vava kakala muna nduka.+ Sambu.
142 Muna nding’ame, mbokele Yave kansadisa;+Muna nding’ame, ndodokele Yave kamfwila e nkenda.
2 Nzayisi ntokani zame vana ndose andi;Nzayisi mpasi zame vana ndose andi+
3 Vava ikalanga yakendalala.
Ongeye oyingilanga nzil’ame.+
Muna nzila idiatilanga,Belekanga ntambu muna kumbaka.
4 Tala oku lunene lwame yo monaKavena muntu ko okumvuanga mfunu.*+
Kavena fulu ko ndenda tinina;+Kavena muntu ko okuntokanenanga.
5 E Yave, ibokele wansadisa.
Mpovele vo: “Ngeye i tininu diame,+Yawonso mvuidi* muna nsi a wantu amoyo.”
6 Winikina e kazu kiame,Kadi nkendalele kikilu.
Umpuluza vana moko ma abangiki ame,+Kadi bansundidi e ngolo.
7 Umpaikisa* muna pelezoKimana yakembelela nkumbu aku.
Yambula ansongi bakutakana yo kunzietaKadi okunsonganga ngemba.
Mvovo vana yand'a lukaya
^ Tala Nsas’a Mvovo.
^ Mvovo wa sina: “Kavena muntu ko unzeye.”
^ Mvovo wa sina: “I kunku kiame.”
^ Yovo “Vaikisa moyo ame.”
