Nkunga 40:1-17
Kuna kwa ntwadisi a nkunga. Nkung’a Davidi.
40 Yavingila kwa Yave kuna luzindalalu,Oyandi wantamba kutu kwandi,* wawá kazu kiame.+
2 Untombwele muna wulu dia maza mekumbanga,Muna wulu dia ntebe.
Osidi malu mame vana ntandu a tadi;Osiamisi tambi yame.
3 I bosi osidi nkung’ampa mu nu’ame,+Wakembelela Nzambi eto.
Ndonga besivika mu kuma kia dina bemona,
Bebunda e vuvu muna Yave.
4 Nkwa kiese o muntu osianga e vuvu kwa YaveNdiona una vo ke vavanga lusadisu kwa yimpumbulu ko ngatu kw’ampuki.*
5 Ekwe ulolo wa mambu ovangidi,E Yave wa Nzambi ame,O mavangu maku masivi ye ngindu zaku zingi oku twina.+
Kavena ona ofwanane yaku ko;+Avo nzingwidi yo samuna mo,Mengi, ke metangakana ko!+
6 E yimenga yo tukau, ke twau ko ozolele,*+Kansi, oziwidi matu mame mawá.+
Kulombele tukau twangioka ko ye tukau twa sumu.+
7 I bosi yavova vo: “Tala, ngizidi.
Muna nkanda diasonama mu kuma kiame.+
8 Ovanga luzolo lwaku, e Nzambi ame, i diau iyangalelanga,*+O nsiku aku una muna nsi ame a mbundu.+
9 Isamunanga nsangu zambote za unsongi muna nkutakani aku anene.+
Kibutikidi befo yame ko,+E Yave, ngeye ozeye wo.
10 Kiswekele unsongi waku ko omu ntim’ame.
Nsamuni e ziku ye luvuluzu lwaku.
Kiswekele walakazi waku ko ye ludi kiaku muna nkutakani anene.”+
11 E Yave, kungimina nkenda zaku ko.
Yambula o walakazi ye ludi kiaku kiantanina ntangwa zawonso.+
12 E mpasi zilembi tangakana, zinzietele.+
O bi wame wingi, unkosomwene, kilendi mona nzil’ame ko;+Usundidi e nsuki za ntu ame o wokela,Nkendalele kikilu.
13 E Yave, dodokolo umpuluza.+
E Yave, zabuka wansadisa.+
14 Awonso bazolele kumpondaYambula bafusuka e nsoni yo kululwa.
Awana beyangalelanga e mpasi zameYambula batina yo fusuka e nsoni.
15 Awana bekumpovesanga vo: “Dimfwanukini!”
Yambula bakendalala mu kuma kia nsoni zau.
16 Kansi, awana bekuvavanga+Yambula bayangalala yo mona kiese muna ngeye.+
Awana bezolanga mavangu ma mpuluz’aku, bavova ntangwa zawonso vo:
“Yambula Yave katundidikwa.”+
17 Vo i mono i munkondwa nsadisi ye nsukami;Yambula Yave kansia e sungididi.
Ngeye i nsadisi ye mvuluzi ame;+E Nzambi ame, kuzingidi ko.+
Mvovo vana yand'a lukaya
^ Yovo “wakuluka kimana kangwa.”
^ Yovo “akwa luvunu.”
^ Yovo “oyangalele.”
^ Yovo “i luzolo lwame.”
