Nkunga 144:1-15
Nkung’a Davidi.
144 Yambula Yave wa Tadi diame+ kakembelwa,Ona walonga moko mame o nuana vita,Yo longa nlembo miame o nuana vita.+
2 Yandi i nzo ame angolo, okunsonganga walakazi,E tininu diame diasikila* ye mvuluzi ame,E ngubu ame ye swekameno diame,+Ona osianga minkangu kuna nsi a wisa kiame.+
3 E Yave, o muntu nki kimana wantala,Yo mwan’a muntu wansia sungididi?+
4 O muntu una nze mwaya;+E lumbu yandi ina nze kini* kiviokanga.+
5 E Yave, kulula e zulu diaku, wakulumuka;+Simba e miongo, futumuna mio o mwisi.+
6 Twika nsemo, wamwanganesa e mbeni;+Sika e nzanza zaku yo kubatiakanesa.+
7 Lambula o moko tuka kuna zulu;Unkûla yo kumpuluza muna maza mangolo,Muna moko ma* nzenza,+
8 Ana bena vo e nua miau luvunu mivovangaYo zangula koko kwalunene mu dia e ndofi a luvunu.*
9 E Nzambi, ikuyimbidila nkung’ampa.+
Ikuyimbidila ye nsambi ya nsinga kumi.
10 Ona ovananga e nsundidi* kwa atinu,+Ona ovuluzanga selo kiandi Davidi muna nsosolo a lufwasu.+
11 Unkûla yo kumpuluza vana moko ma nzenza,Ana bena vo e nua miau luvunu mivovangaAna bazangwidi koko kwalunene muna dia e ndofi a luvunu.
12 O wan’eto amakala bekala nze nti mikulanga mu nzaki,Wan’eto amakento nze malunzi ma konko matoma valwa ye fwaniswa muna lûmbu lwa ntinu.
13 Malundilu meto mezala ye mbongo ya mpila mu mpila;O mameme meto mewutana muna yana yeto, mafunda ye mafunda, yazi ya mafunda.
14 E ngombe zeto za yimita, ke zivanguka ko ngatu sulula;Muna ntanda* mieto ke mukala dilu ko.
15 Akwa kiese o nkangu una wau!
Akwa kiese o nkangu una vo Yave i Nzambi au!+
Mvovo vana yand'a lukaya
^ Yovo “diazanguka.”
^ Yovo “ninga.”
^ Yovo “wisa kia.”
^ Mvovo wa sina: “O koko kwau kwalunene i koko kwalunene kwa luvunu.”
^ Yovo “Ona ovananga luvuluzu.”
^ Yanzala kiakutakenanga nkangu mu teka, sumba lekwa yo tela mambu.
