Nkunga 77:1-20
Kuna kwa ntwadisi a nkunga; muna Yedutune.* Nkung’a Asafi.+ Nkunga.
77 Iboka kwa Nzambi muna nding’ame;Iboka kwa Nzambi, yandi owá nding’ame.+
2 Muna lumbu kia mpasi zame mvavidi Yave.+
O fuku ndambwidi moko mame kwa yandi yo lembi vuena.*
Kilendi* fiaulwiswa ko.
3 Avo ngindwidi Nzambi, mvumukini;+Ntokane yo yoya kibeni.*+ (Sela)
4 Kuyambwidi ko vo meso mame mazima;Ngiangamene o ntima, kilendele vova ko.
5 Ngindu zame zivutukidi muna lumbu yavioka,+Muna mvu mia nz’ankulu.
6 Muna fuku iyindulanga nkung’ame;+Ibadikanga muna ntim’ame;+
Mpavidi* ye fululu kiawonso.
7 Nga Yave okutubembola yakwele mvu?+
Nga kesinga kutufwila diaka nkenda ko?+
8 Nga walakazi wandi usukidi yakwele mvu?
Nga nsilu andi ke ulungana ko muna mbandu zawonso e?
9 Nga Nzambi ovilakene songa dienga diandi,+Yovo makasi mandi masukisi nkenda zandi e? (Sela)
10 Nga ikwamanana vova vo: “Edi dintwasidi e mpasi:*+
O Mpungu-nene osobele mpila kekadilanga* yeto?”
11 Iyindula mavangu ma YA;*Iyindula mavangu maku masivi ma nz’ankulu.
12 Ibadika mavangu maku mawonsoYo yindula salu yaku.+
13 E Nzambi, e nzila zaku zavauka.
E Nzambi, nkia nzambi wina wanene nze ngeye?+
14 Ongeye i Nzambi aludi, ona ovanganga mambu masivi.+
Osengomwene ngolo zaku kwa nkangu.+
15 Wavuluza* nkangu aku muna nkum’aku,*+Wan’a Yakobo yo wan’a Yosefe. (Sela)
16 Maza mamona, e Nzambi;Maza mamona yo tokana.+
Maza masina mafusuka.
17 O matuti manokesa maza.
E zulu dialomboka, diatalumuna miandazi,E maswanga maku mayenda muna ndambu zawonso.+
18 E zú dia mwandazi+ aku dikedi nze zú dia mapine ma makalu ma vita;E nsemo mitemese e nza;+E ntoto uzakamene yo vasuka.+
19 Waziula nzila muna kalunga,+Ye yendelo diaku muna maza mayingi;
Kansi ntambi zaku ke zamoneka ko.
20 Wafila nkangu aku nze kambi,+Muna moko ma Mose yo Arone.+
Mvovo vana yand'a lukaya
^ Tala Nsas’a Mvovo.
^ Mvovo wa sina: “lembi leka.”
^ Yovo “Moyo ame ke ulendi.”
^ Mvovo wa sina: “mwand’ame uyoyele.”
^ Mvovo wa sina: “Mwand’ame uvavidi.”
^ Mvovo wa sina: “osobele koko kwandi kwalunene oku kwa.”
^ Yovo “Edi dintobwele.”
^ “YA,” i mpila yankufi ya yikila e nkumbu Yave.
^ Mvovo wa sina: “koko kwaku.”
^ Yovo “Wakûla.”
