Nkunga 135:1-21
135 Nukembelela YA!
Nukembelela nkumbu a Yave;Numvana matondo, yeno selo ya Yave,+
2 Yeno nusadilanga* muna nzo a Yave,Muna yanzala ya nzo a Nzambi eto.+
3 Nukembelela YA, kadi Yave wambote.+
Nuyimbidila nkumbu andi, kadi dia luyangalalu.
4 Kadi o YA ukisolele Yakobo,Isaele se vua diandi diantalu.+
5 Ntomene wo zaya vo Yave wanene;O Mfumu eto osundidi nzambi zawonso zankaka o nene.+
6 Yave ovanganga mawonso kazolele vanga+Kuna zulu yo va ntoto, muna kalunga yamuna masina ma kalunga.
7 Otombolanga matuti* tuka kuna nsuka za nza;Ovaikisanga nsemo muna mvula;Ovaikisanga e tembwa muna malundilu mandi.+
8 Wavonda wan’antete a Engipito,Wan’a wantu yo wan’a bulu.+
9 Wavanga sinsu yo masivi vana kati kwaku, e Engipito,+Kuna kwa Faro ye ntaudi zandi zawonso.+
10 Wafwasa zula yayingi+Yo vonda atinu a nkuma+
11 —Sikone wa ntinu a Aneyamore,+Onge wa ntinu a Basani,+Ye yintinu yawonso ya Kenani.
12 Wavana e nsi au se vua,Se vua kwa nkangu andi Isaele.+
13 E Yave, e nkumbu aku ikala yakwele mvu.
E Yave, e tunda* diaku dikala kaka muna mbandu zawonso.+
14 Kadi Yave otanina nkangu andi,+Yo fwila selo yandi e nkenda.+
15 E teke ya zula palata ye wolo,Salu ya moko ma wantu.+
16 Ina ye nua, kansi ke ilendi vova ko;+Ina yo meso, kansi ke ilendi mona ko;
17 Ina yo matu, kansi ke ilendi wá ko.
Ke ina ye fulumwinu ko muna nua miau.+
18 Wantu ana bevanganga yo bekituka nze yau,+Ye awonso ana bebundanga yo e vuvu.+
19 E nzo a Isaele, kembelela Yave.
E nzo a Arone, kembelela Yave.
20 E nzo a Levi, kembelela Yave.+
O yeno nuvuminanga Yave, nukembelela Yave.
21 Yambula Yave kakembelelwa muna Zione,+Ona okalanga muna Yerusaleme.+
Nukembelela YA!+
Mvovo vana yand'a lukaya
^ Yovo “nutelamanga.”
^ Yovo “wisisi.”
^ Yovo “nkumbu aku.” Mvovo wa sina: “luyindulu lwaku.”
