Nkunga 2:1-12
2 Ekuma e zula inina mu nkinda-nkindaYe nkangu beyindulwilanga mambu makondwa mfunu?+
2 E ntinu mia nza bakubameneAyadi bakutakene* nze muntu mosi+Muna nuanisa Yave ye kuswa kiandi.*+
3 Bavovele vo: “Yambula twatabula kangwa yandiYo katula nsinga miandi!”
4 Ndiona ovuende vana kunda kia kimfumu kuna zulu oseva;Yave okubaveza.
5 Muna ntangwa yayina, okubavovesela kuna makasiOkubazakamesa muna nsita zandi,
6 Ovova vo: “Mono kibeni ngiadikidi ntinu ame+Muna Zione,+ mongo ame avauka.”
7 Yambula yasamuna nsiku a Yave;Umpovese vo: “Ngeye u mwan’ame;+O unu nkitukidi se diaku.+
8 Undomba, ikuvana zula se vua diakuE nsuka za nza se vua diaku.+
9 Okubatufakesa ye mvual’a sengwa,+Yo kubakosomona nze kinzu kia tûma.”+
10 Owau, yeno atinu nukala ye ngangu;Yeno afundisi a nza nutambulwila e longi.*
11 Nusadila Yave kuna vumi,Numona kiese yo zakama.
12 Nuzitisa* mwana,+ kimana Nzambi* kalembi funga makasi,Oyeno nualembi fwila muna nzila,+Kadi makasi mandi nzaki mefusukanga.
Akwa kiese awonso betininanga kwa Yandi.
Mvovo vana yand'a lukaya
^ Yovo “bavuende mfulu.”
^ Yovo “Kristu andi.”
^ Yovo “nuluka kweno.”
^ Mvovo wa sina: “Nufiba.”
^ Mvovo wa sina: “Oyandi.”
