Nkunga 26:1-12
Nkung’a Davidi.
26 Umfundisa, e Yave, kadi muna ziku kiame ikangalelanga;+Muna Yave mbundidi e vuvu lembi katikisa.+
2 Umfimpa, e Yave, untonta;Velelesa nsi ame a mbundu* ye ntim’ame.+
3 Kadi walakazi waku una ova ntadisi ame ntangwa zawonso,Muna ludi kiaku ikangalelanga.+
4 Kikalanga* ntwadi ye akwa luvunu ko,+Ivenganga kala vamosi ye awana beswekanga kiwuntu kiau.*
5 Mbengene kikundi ye mimpanga mambi,+Kikangalanga* ye yimpumbulu ko.+
6 Sukula isukula moko mame muna songa vo i munkondwa-kuma,Idiatila muna nzunguluk’a ziku diaku, e Yave,
7 Kimana yawisa e nding’a matondo+Yo samuna mavangu maku mawonso masivi.
8 E Yave, nzolele nzo aku ina okalanga,+E fulu kikalanga o nkembo aku.+
9 Kumfwasi kumosi ko ye asumuki+Ngatu katula moyo ame kumosi ye akwa nsoki,*
10 Ana bena vo moko mau mevanganga mavangu mansoni,O koko kwau kwalunene kuzele ye mbabu.
11 Avo i mono, muna ziku kiame ikangalela.
Umpuluza* yo kunsonga dienga.
12 O kulu kwame kutelamene vana valelama;+Muna nkutakani anene,* ikembelela Yave.+
Mvovo vana yand'a lukaya
^ Yovo “ngindu za nsi ame a mbundu.” Mvovo wa sina: “nguba zame.”
^ Mvovo wa sina: “Kivuandanga.”
^ Yovo “Kisangalakananga ye ampuki ko.”
^ Mvovo wa sina: “Kivuandanga.”
^ Yovo “abungudi a menga.”
^ Mvovo wa sina: “Unkûla.”
^ Mvovo wa sina: “lukutakanu lwampwena.”
