Nkunga 14:1-7
Kuna kwa ntwadisi a nkunga. Nkung’a Davidi.
14 O zowa* ovovele muna ntim’andi vo:
“Ke vena Yave ko.”+
Mavangu mau mambi, e fu yau yangemi;Ke vena muntu ko ovanganga mambu mambote.+
2 Kansi, Yave otalanga wan’a wantu tuka kuna zulu,Otalanga kana vo vena ye muntu una ye umbakuzi, kana vo vena ye muntu ovavanga Yave.+
3 Yau awonso bavengomokene;+Yau awonso bayividi.
Ke vena muntu ko ovanganga mambu mambote,Kana nkutu mosi.
4 Ekuma mimpanga mambi ke bebakulwilanga mambu ko e?
Bedianga nkangu ame nze una bedilanga e mbolo.
Ke bevovelanga Yave ko.
5 Kansi bebakama wonga wayingi,+Kadi Yave una ye mbandu ya wantu ansongi.
6 Yeno yimpumbulu, nuvavanga vunzakesa makani ma nlembami,Kansi Yave i tininu diandi.+
7 Yambula luvuluzu lwa Isaele lwatuka kuna Zione!+
Vava Yave kevaikisa nkangu andi muna kinkole,Yambula Yakobo kamona e kiese, e Isaele kayangalala.
Mvovo vana yand'a lukaya
^ Yovo “tunga.”
