Nkunga 60:1-12
Kuna kwa ntwadisi a nkunga; nkunga muna mvuma za “Lenge-lenge dia Luyindulu.” Mikitame.* Nkung’a Davidi. Muna longa. Vava kanuana yo Arami-nakaraime yo Arami-Soba, vava Yoabe kavutuka yo vonda 12.000 ma esi Edome vana Ndimb’a Mungwa.+
60 E Nzambi, watubembola; watutufakesa.+
Watufungila makasi; kansi owau ututambula diaka.
2 Ozakamese o ntoto; obudidi wo.
Londa mbamvu miandi, kadi o ntoto mu fwasuka kaka wina.
3 Wamwesesa nkangu aku e mpasi.
Watunuika vinyu yatutwasila kizungu-zungu.+
4 Vana e sinsu kwa awana bekuvuminangaKimana batina yo venga maswanga. (Sela)
5 Yambula azolw’aku bavuluzwa,Utuvuluza muna koko kwaku kwalunene, utuvana e mvutu.+
6 Nzambi ovovele muna vauka kwandi* vo:
“Yangalala iyangalala, ikayanesa Sekeme se vua,+Teza iteza Ndimb’a Sukote.+
7 E Ngiladi yame, o Manase+ mpe wame,O Eferaime i mpu* a ntu ame;E Yuda i mvual’a kimfumu kiame.+
8 Moabe i longa diame diakuyisukulwila.+
Muna Edome ituba nsampatu ame.+
Muna Felesetia ibokela mbok’a nsundidi.”+
9 Nani okundata muna mbanza yazungwa?
Nani okumfila kuna Edome?+
10 E Nzambi, ka ngeye ko watubembola,E Nzambi eto, ka ngeye ko wayambula kwenda yo makesa meto?+
11 Utusadisa muna mpasi zeto,Kadi o luvuluzu lwa wantu ke luna mfunu ko.+
12 Muna Nzambi tuvuila o nkuma,+Yandi odiatakesa mbeni zeto.+
Mvovo vana yand'a lukaya
^ Tala Nsas’a Mvovo.
^ Nanga, “vana fulu kiandi kiavauka.”
^ Mvovo wa sina: “i nzo ame angolo.”
